2019
07
05
1322

片/反送中嘅網路影響:Telegram喺香港到底仲安唔安全?

以前香港人剩係識用Whatsapp,又點樣估得到,因為香港嘅社會運動抗爭,會令到相當保守、專一嘅香港人,開始唔止只係用Whatsapp,仲識埋用Telegram啵!
   

Image source:IG durov

文:積遜猿

自6月9號起至今,香港嘅「反送中」社會運動抗爭依然係全城熱話,成為咗每一個人茶餘飯後嘅主要話題。唔知你有冇發現,香港人因為「反送中」呢件事,原來連Whatsapp都少開咗!因為好多香港嘅後生仔女,都轉咗用Telegram喎,真心好誇張。



image source:《KEYPO大數據關鍵引擎》


哇,睇返上面張圖,會見到香港人最近搜尋Telegram關鍵字嘅數量急升,特別喺6月9號打後就相當明顯喇!圖中所見,6月12號就係升得最高嘅一日。咁大家都知,6月12號係目前「反送中」事件入面,香港警民衝突最激烈嘅日子。好多後生仔女為咗保密原則,就決定齊齊轉用Telegram,做為大家嘅抗爭溝通工具。



image source:《KEYPO大數據關鍵引擎》


但有趣嘅係,係另一個圖表入面,我哋會見到最近有關Telegram嘅相關搜尋入面,第二名激增得最多嘅,竟然係「delete telegram account」!咁最大可能呢,就緊係之前6月11號「公海總谷」嘅Telegram群組組主俾警方上門拉咗。哇,又話Telegram好安全嘅?咁大家當然好驚喇,為保自己人身安全,會去搵點樣刪除自己AC,都相當正常。



其實早喺2015 年中國就用「反政府工具」為由封鎖 咗Telegram 喺中國境內使用,一向Telegram都係當權者嘅眼中釘,而喺今次「反送中」事件入面,Telegram創辦人都聲稱受到中國嘅網路攻擊(Distributed Denial of Service,DDoS)。Telegram喺佢嘅官方Twitter公告,表明6月12號受到中國DDoS嘅網路攻擊,用咗幾粒鐘先可以令個伺服器穩定咗。


創辦人杜洛夫仲話,每次Telegram受到國家級攻擊,都咁啱處於香港大型抗爭活動嘅時候,今次都係一樣喎。正所謂樹大招風,Telegram其實都只係相對地安全,大家要記得隱藏自己嘅個人資料,小心使用,先係萬全之計。



延伸閱讀►


片/前罪犯同香港警察合作?劉馬車出席警察同盟會!

片/灣仔阿叔串爆警察?霸氣哥再現「反送中」示威!

片/生子當如馬車?何君堯同劉馬車fd過夾band?



本則時事分析,你覺得?