Image source：FB／梁凱寧 Maggie Leung
文／積遜猿
網民眼中嘅女神梁凱寧，曾經係「無綫新聞之花」，喺TVB無視新聞電視台做過女主播，2019年9月1號，正式喺《晚間新聞》同觀眾講Goodbye：「新聞報道完，多謝支持，各位再見。」梁凱寧唔止深得香港觀眾眼緣，喺TVB都有好多朋友，佢哋都一齊同梁凱寧Farewell，祝福佢未來有更好嘅前程。網民見呢位靚女離開電視螢幕，無得再見到佢，緊係好唔開心喇。不過唔開心還唔開心，大家都希望佢過得好，一直關心佢嘅新發展。
離開TVB，唔代表梁凱寧放棄繼續主持節目，只係代表佢開始另一條唔同嘅路。首先，佢喺9月11號正式由兩位Fans幫佢開設、經營嘅FB Fans page同IG手中取回管理權，話「希望先休息一下，再決定未來路向」。係呢段休息日子，梁凱寧唔係Hea，而係嘗試多方面嘅發展，過得相當充實。好似佢去咗斯里蘭卡做義工，喺托兒所照顧嬰幼兒，喺鄉村教小學生英文，仲話「希望下一次可從事海洋保育義工項目，潛水清理海洋垃圾」，認真人靚心甜，抵網民咁愛佢嘅。
10月30號，梁凱寧正式宣布自己主持節目嘅最新動態喇！梁凱寧現身香港開電視，參加咗《2020年節目巡禮》，宣布將會同黃永、許楨同李臻一起主持清談資訊節目《開嚟見我》。消息一出，令一眾網民都好開心，又可以喺電視螢幕再見到梁凱寧喇！除此之外，梁凱寧近日最受關注嘅，莫過於佢受邀返母校浸會大學做客席講師，以自己主播嘅經驗，教授新聞系學生點樣報新聞。點解咁樣會受關注？因為佢著短裙好靚，個個網民都話想去Sit堂囉！
一齊去相睇睇佢到底有幾正喇：
Image source：FB／梁凱寧 Maggie Leung
延伸閱讀►►►
