西門町街頭高唱「 願榮光歸香港」,台灣人用粵拼唱埋一份!

香港呢幾日以唱歌呢個和理非嘅方法表達自己訴求。而喺今日呢個炎炎夏日嘅台北街頭,亦有人用呢個方式去表達自己支持香港嘅示威者...

Image Source: 香港網絡溫度計

文/牙菜

呢幾日香港唔同地方都出現一大班人高歌,以表達自己支持嘅心意。藍絲呢就唱住中國國歌,同時黃絲就唱呢排大熱嘅「願榮光歸香港」。而喺今日(15日)晏就3點,喺熱到大汗搭細汗嘅台北西門町街頭,就出現一班香港人唱歌快閃。

Image Source: 香港網絡溫度計


佢哋除咗有唱「願榮光歸香港」之外,亦都有唱"Do you hear the people sing"嘅中文版「試問誰還未發聲」。喺開始前,可能驚現場嘅人唔識唱,搞手都有派一啲歌詞比大家。之後更利用Airdrop,好似香港咁向所有在場用iPhone嘅用家派歌詞。

Image Source: 香港網絡溫度計


現場除咗香港人之外,亦都有唔少台灣人都跟到唱「願榮光歸香港」。細問之下,原來佢哋都有收到粵語拼音版嘅歌詞。再加上上Youtube瘋狂Reloop首歌加拼音,咁就話咁快就上手了。


Video Source: YoutubeJyutpo粵報

唔知大家識唱未呢?快啲睇返今日香港網絡溫度計嘅直播,同身邊嘅朋友分享啦!

延伸閱讀►►►


日本大阪美女「反送中」爆紅!原來除咗模特兒平野玲子仲有一個?

民間記者會嘅手語傳譯,「無聲世界嘅英雄」──黃耀邦

片/《願榮光歸香港》響遍全城,合唱之聲聽喊唔少香港人