香港人成日都覺得，外國嘅月亮總係特別圓，外地嘅女性總係特別索。日本妹、台妹、鬼妹，都受到香港男性嘅特別愛護，至於所謂嘅港女，就成日畀人批評。但係，如果我哋睇真少少，就會發現其實香港女性都好有吸引力，同聲同氣，價值觀又相似，而且外貌出眾，論靚女指數絕對唔會比其他地方差！呢一點，喺香港女性YouTuber之中，已經有好多例子，佢哋樣正心地好，有相當多嘅Fans。今日就等DailyView用網路大數據話你知，香港十大靚女YouTuber係邊個，配埋圖畀各位大飽眼福！
DV小教室：網路溫度計透過《KEYPO大數據關鍵引擎》，觀測、爬梳港澳地區近萬個網站、頻道，其中包括新聞頻道、各大討論區、FB、IG以及Blog，從中取得資料樣本數，並以AI語意程式作數據分析。「網路熱度」為主題項目相關的網路posts和comments ，數值愈大代表主題項目的討論度愈高。
NO.10 Me Chan
——專業化妝師
香港YouTuber之中，Me Chan係多才多藝嘅代表。佢係專業嘅化妝師，由出街Look到萬聖誕節吸血鬼，一樣唯肖唯妙。同時，佢又係香港知名YouTuber熊仔頭嘅女演員，演技出眾，廣為人知。除此之外，Me Chan仲會拍吓旅行片，介紹各地景點、美食等。呢位活潑開朗嘅美女，咁真性情，入榜當然因為佢受歡迎喇！
NO.9 米露迪
——文青美女
好多人都話，拍YouTube片咁速食，都係Sell樣Sell身材，邊會講咩內在美？但係，米露迪就用行動話畀我哋知，佢唔單止樣靚身材正，仲識寫文章！2018年，佢就出咗書《生米到熟米》，圖文並茂咁講自己嘅人生故事。米露迪作為網絡演員，最知名當然係做啱Channel嘅女演員，又做舞台劇，真係好文青Feel好吸引呀！
NO.8 kisaBBB
——美女與貓咪
知唔知邊種香港女仔最有吸引力？就係可以同男仔玩埋一齊，有麻甩性格嘅靚女囉！kisaBBB就係呢種類型，佢拍嘅打機、日常、美妝等嘅片，都可以睇得出佢嘅真性情，愛笑、搞怪、有趣、活潑好動，真係同佢自我介紹100％一樣。最近kisaBBB去咗行山，又去日本滑雪，陽光到不得了，咁Girlfirendable，難怪咁多人支持嘅。
NO.7 Flavia Wong
——岡本女神
Flavia Wong 黃可盈知名度相對其他YouTuber都高，皆因佢本身係一位出色演員，已經拍過好多電視劇、電視廣告，其中最著名嘅，係佢幫岡本拍廣告，畀人叫做「岡本女神」。近年，Flavia Wong開始進攻YouTube界，憑住佢姣好嘅外型，拍吓旅行、化妝等題材嘅片。單係睇佢平時嘅相，已經好有魅力，更何況拍片呢？
NO.6 Cynthia Ip
——2Girls1Cat
Cynthia Ip點解咁受香港人歡迎？皆因佢夠貼地，講嘅話題好啱香港人睇囉！佢同好多香港人一樣，受到土地供應有限嘅困境，但依然決定同朋友加一隻貓一齊租屋，拍片講咗唔少呢方面題材嘅內容，實用之外，又講出香港人嘅苦況，真係好有共鳴。Cynthia Ip主攻美妝、時裝同日常生活，仲拍咗好多片講愛情，想溝仔溝女不妨一睇。
NO.5 肥蛙
——可愛手繪風
肥蛙，可能係香港女性YouTuber之中最藝術嘅一位！點解？皆因佢手繪嘅「肥蛙」，相當可愛，充份表現咗佢嘅才華。唔講佢係香港人，我哋好可能一眼會認定佢係日本妹，因為一樣咁卡哇依。睇返佢嘅片，就知佢鍾情日本，成日都去日本玩。另外，佢都有出好多片講點樣化妝，點樣先可以變到佢一樣咁可愛，梗係大把Fans想學喇！
NO.4 蒽蒽
——Real Gamer
香港地，女仔總會咁樣批評男仔：喂，你唔好再打機喇，浪費時間，比少少上進心做人好唔好？一生何求，男仔好可能只係想有一個陪自己食老麥，陪自己打機嘅女朋友。蒽蒽呢位熱愛打機嘅女神，咪就係全香港男性嘅夢想伴侶囉。蒽蒽性感嘅單眼皮，同你一齊打機，真係好開心。呢個唔係夢，只要睇佢片，就等於同佢一齊打機喇！
NO.3 Catgirl
——正能量爆燈
可能係全香港最正面、最勵志嘅香港女性YouTuber，Catgirl！Catgirl初出道拍片，曾經俾其他人笑佢，批評佢，但Catgirl唔單止無停低，仲用實際嘅行為，打破批評者嘅偏見，成功成為香港知名YouTuber。Catgirl拍片講飲講食，又關心社會時事，今時今日愈嚟愈多人愛上佢。相由心生，心地好，自然人人喜愛，得到香港人嘅支持，加油！
NO.2 Rose Ma
——港版明日花
Rose Ma，好早開始，已經憑佢對打機嘅熱情，加上佢有如日本明日花嘅美貌，好快就火紅香港YouTube界！同埋，佢早前的確同明日花一齊拍過廣告，仲引嚟好多人睇片。另外，佢亦都走出人生另一個新開始，拍咗寫真集，留下好多美照。但咁唔代表佢放棄打機，佢仲會周不時直播打機，同大家分享佢嘅熱情。今日，你又睇咗佢未？
NO.1 Mira
——正過韓妹
世界最正嘅潮流係咩？歐美？日本？No way！係韓國文化呀！今時今日，唔識返幾個韓國娛樂明星，真係好Outdated囉。香港知名YouTuber Mira，香港人去咗韓國讀書定居，精通韓文，拍片介紹韓國文化。Mira火速爆紅，成為網路文化KOL，唔單止外形出眾，更係大家眼中嘅韓國達人。去韓國玩？香港人都會決定睇佢片，之後再Plan行程。
【以上圖文為香港網路溫度計調查結果，未經授權請勿轉載、改寫】
分析說明：
本研究資料由《KEYPO大數據關鍵引擎》提供，分析時間範圍為2019年01月01日至2019年12月31日。
網路大數據系統觀測港澳地區上萬個網站頻道，包括新聞頻道、Facebook、Instagram及各大討論區、BLOG等，針對討論『十大香港靚女YouTuber』相關文本進行分析，並根據網友就該議題之討論，作為本分析依據。
本文分析之結果，非參考投票、民調、網路問卷等資料，名次僅代表網路討論熱度大小，不代表網友正負評價。
「加入香港網路溫度計Fan Page睇睇網民嘅花生係乜嘢？」>>>
DailyView曰：
一日一靚女，醫生遠離我
