今次真係「走佬去台灣」!香港人去台灣最想竟然係移民?同你細數10個香港人去台灣最想做嘅事!

今次真係「走佬去台灣」!香港人去台灣最想竟然係移民?同你細數10個香港人去台灣最想做嘅事!

乜原來香港人去台灣除咗玩,仲有大把正經嘢做!

2019/02/22

快點去台灣吧!香港是很危險的!

「香港-台灣」不嬲係世界上好hit嘅航線,好多香港人閒時放假想去旅行,都會揀飛台灣。咁都係嘅,台灣又近又平,過去行下食下hea下,可以鬆一鬆個人時,荷包都唔會話出晒血。所以好多香港人都好鍾意台灣,不過唔講你唔知,講起台灣,香港人最想嘅竟然係移民!唔係吓話?真係鍾意到要走佬去台灣?仲有好多千奇百趣嘅諗法!DailyView網路溫度計就根據網路大數據做個調查,排咗個十大排行榜!有幾多幾盞鬼,一齊嚟睇下啦!

DV小教室:香港網路大數據觀測咗近萬個網站頻道(而且不斷增加ing),包括港澳地區的新聞頻道、FB、IG同埋各大討論區、Blog......透過強大嘅網文爬梳觀測,攞到巨大嘅資料樣本數,拎到上億嘅文章及留言訊息,以人工智慧的語意程式做分析。



台灣旅行
6 睇醫生

點解香港人要去台灣睇醫生啊?因為近期香港醫護界事情多多囉!醫護人員壓力咁大,政府同醫管局就好有心咁搞個萬眾齊心打氣活動啦,真係多謝晒!真香港人邊捨得繼續為難班醫護人員,咪諗下病咗嘅話,近近地去台灣睇醫生囉。啊!等等!真香港人去晒台灣睇醫生,咁邊個去香港睇醫生啊?

image source:Youtube截圖
5 結婚

其實呢個諗法好多涵義,真係不得不講句細思極恐!你哋諗吓,香港人點解會去台灣結婚?娶台灣女仔?嫁台灣男仔?咁都有可能嘅,但如果結婚雙方都係香港人嘅話,去台灣結婚咪搞到D親戚朋友要去觀禮同飲喜酒都變到好麻煩?唔通,係因為台灣可以同性結婚?

image source:WIKI
3 工作

香港人想去台灣返工?唔難明嘅,雖然台灣人工低過香港好多,但生活成本都相對低D,上車都易D!好可能真係可以做去少次日本都可以買樓嘅「堅離地城居民」!不過要去台灣返工都唔係易,要申請工作居留證!呢層真係唔合乎「國情」!我就見好多連廣東話都唔識嘅人喺香港返工喇!

image source:IG
2 醫美

嗱!呢D嘢好敏感啊!唔好當人唔識嘢啊!去整容應該係去韓國㗎嘛!去台灣可以整D咩?一定係普通美容啦!咩話?醫美即係醫學美容,又即係整容?咩話?個十大排行榜第十名就係美容?咩話?你問我港女同台妹身體上邊到分別最大?幻覺嚟嘅啫!嚇我唔到嘅!

image source:flickr
1 移民

唉!呢幾年成日都聽到好多人講「移民」,好多人「移民」嚟香港,又好多香港人移民走。其實大家都明,有得揀,邊有人想離開自己故鄉!但如果真係要走去台灣,有三個方法,讀書、145萬投資移民同埋12萬嘅創業移民。係啊!有要求㗎,唔係嘅話,每日一百五十個香港人走去台灣,台灣就唔叫台灣,叫香港啦!

image source:Facebook
香港去台灣玩
咁到底香港人去台灣旅行玩D咩?

不過講時講,香港人去台灣最多都係旅行嘅!咁香港人去台灣想玩咩多?DailyView網路溫度計亦都以網路大數據統計同排咗個排行榜!等我哋又嚟睇吓前5名啦!


DV小教室:網路大數據觀測咗近萬個網站頻道(而且不斷增加ing),包括新聞頻道、FB、IG同埋各大討論區、Blog......透過強大嘅網文爬梳觀測,攞到巨大嘅資料樣本數,拎到上億嘅文章訊息,都會save喺「網路大資料庫」入面,而呢d資料嘅數量同埋內容其實係可以被統計分析嘅!


5 文青之旅

台灣節奏夠慢,四圍都係文青嘢,香港人放假去台灣,就可以忽然文青,過吓文藝癮。諗起可以喺四四南村嘅懷舊眷村到,慢慢行吓個文青市集,抬頭又望到台北地標101,真係好嘆!仲有西門紅樓、華山同埋松山文創園區等等,真係行一轉都成身文藝氣息嘅啫!

image source:IG
4 爬山

其實唔止一次聽過行山友講話要去台灣登山!唔係圈中人都唔知!台灣好多山係有分等級,有D要報登山團先可以爬㗎!如果唔係爬山友又想行下山,睇下台灣大自然,都有好多行山步道可以畀普通遊客慢慢行!不過我估喺台灣行山同香港最大嘅分別係,唔可以野行補捉到發哥囉!

image source:IG
3 玩水

講到台灣,好多香港人都會諗到墾丁!有時唔想太熱,想近近地,放假去幾日墾丁享受吓陽光與海灘都係唔錯嘅選擇!不過要小心D,近年聽到好多消息講墾丁大街嘅餐廳當遊客水魚咁劏!大家千祈唔好攞香港同台北嘅消費心態去墾丁啊!行遠少少,去恆春就消費好低㗎喇!

image source:IG
2 書店之旅

香港有無文青啊?梗係有啦!但好可惜,香港嘅文化活動一直受制於經濟同政治。當見到Middle同張愛玲齊名,好多人真係嬲到震!不過唔緊要,台灣嘅文藝氣息就好好多!香港文青們去台灣玩,仲可以「蒲」24小時嘅誠品敦南店,今次真係連文青都「蒲夜店」!

image source:WIKI
1 美食

咁講到去台灣,一定唔可以唔提夜市啦!夜市D嘢食又平又多,成日掃街掃到飽晒都仲有好多嘢想食!仲唔止啊!去到台灣見到珍珠奶茶、黑糖珍珠鮮奶圍埋先港紙十幾蚊一杯!D花樣又多!真係日飲夜飲!通常去完台灣嗰一排,都係唔幾敢去茶木 ,驚心理唔平衡。

image source:台灣觀光局

本研究資料分析時間範圍為2018年02月20日至2019年02月19日,共一年。

網路大數據系統觀測港澳地區上萬個網站頻道,包括新聞頻道、Facebook、Instagram、Twitter及各大討論區、部落格等,針對討論『香港人想去台灣做咩、香港人點玩台灣』相關文本進行分析,並根據網友就該議題之討論,作為本分析依據。

本文分析之結果,非參考投票、民調、網路問卷等資料,名次僅代表網路討論聲量大小,不代表網友正負評價。

DailyView曰:

 

「回歸」字眼太政治!我哋唔講!


接續看下一篇