週末去呢度玩!香港10大期間限定市集 唔怕你悶!

週末去呢度玩!香港10大期間限定市集 唔怕你悶!

要行街唔止百貨公司嘅,香港有好多創意市集唔知你又行過未?

2019/02/18

放慢腳步去市集行吓啦香港人~

香港生活節奏繁忙,每到放假就淨係想放鬆,悠閒咁體驗吓生活。今日DailyView網路溫度計根據香港期間限定嘅市集,透過網路大數據做咗個調查,提供你唔一樣嘅週末好去處,一齊來睇下!


DV小教室:香港網路大數據觀測咗近萬個網站頻道(而且不斷增加ing),包括港澳地區的新聞頻道、FB、IG同埋各大討論區、Blog......透過強大嘅網文爬梳觀測,攞到巨大嘅資料樣本數,拎到上億嘅文章及留言訊息,以人工智慧的語意程式做分析。


市集
10. 黃金海岸市集

喺黃金海岸對住廣闊的海景,融合歐陸式設計風格的建築,好似去咗歐洲小鎮咁。每逢週末會有藝術市集「黃金蒙馬特」,有手作攤檔、街頭表演;到咗節日慶典會舉辦嘉年華,好有度假氣氛。而黃金海岸商場係每年1-5月期間,都會趁著週末舉行Farmers’ Market,提供市民同檔主交流嘅好地方。

image source:IG
9. 錦田跳蚤市集

由西鐵錦上路站一出站,就會見到一大戶外市集,只有週末先有限定營業,大約160個攤位成為頗有規模嘅陣列。可以話係非常本土化嘅跳蚤市場,有充滿童年回憶嘅玩具,甚至扭閃卡機,仲有傳統嘅遊戲攤位,好似彈珠台、撈金魚等等。亦有充滿洋味嘅蠟燭小屋同古玩店,鍾意尋寶嘅朋友絕對可以係度搵到驚喜啊。

image source:IG
8. 零碳天地市集

零碳天地係香港首座零碳建築,環境非常綠化。零碳天地不時就會舉辦環保市集同音樂會,吸引市民大眾接觸環保資訊。風靡港澳台三地嘅設計網站Pinkoi市集,就曾經於2016同2017年係零碳天地列陣。而推行綠色文創的Greennomarket亦趁著「智Smart航拍體驗日」,聯同天文台、中文大學等等推行綠色生活點子。

image source:Facebook
7. 西貢海濱樂園購物天地

西貢海濱樂園算係其中一個早期嘅市集,一開始都係推動西貢嘅旅遊人潮,每個月嘅週末都會舉行市集活動,販售唔同類型嘅手工藝商品,主要係為就業市場的弱勢社群及有志創業的人士創造就業機會。所以話去西貢除咗可以食海鮮,其實仲可以行吓市集㗎,一路行一路吹下海風,夠晒Relax啊!

image source:Facebook
6. 糖廠街市集

唔鍾意行傳統街市,就可以來行下由太古坊同 Honestly Green 合辦嘅「糖廠街市集」,係每年11月-2月嘅星期日舉行,雲集咗唔同嘅創意食檔以及有機農夫,提供現場即制嘅限定美食、同埋販售優質食材同時令蔬果的地方。而依家進行嘅「養生有營飲食」會到2月17日,推廣以最新鮮又養生保健嘅食物來開始新一年。

image source:Facebook
5. 文化中心市集

香港文化中心由2013年推出「伙伴創意市集@文化中心」,分別同保良局、香港小童群益會賽馬會上環青少年綜合服務中心及香港基督教女青年會舉辦唔同主題嘅市集,主打香港本土藝術創作者同埋親子工作坊,好似每年聖誕都會有手作聖誕樹嘅工作坊。除咗拉近文化中心同市民嘅距離,亦係展現文化中心嘅活力。

image source:IG
4. JCCAC手作市集

全名係賽馬會創意藝術中心,JCCAC係香港第一間由成棟工廠大廈活化而成嘅藝術村,有超過140個唔同類型嘅藝術家同文化團體進駐。比較出名嘅有JCCAC藝術節、季度JCCAC手作市集、天台放映會等等...而JCCAC亦有唔同嘅工作坊同課程,比較傾向藝術創作,好似歐洲繪畫課程、陶藝雕塑班都有唔同嘅選擇。

image source:Facebook
3. PMQ元創方

前身係已婚警察宿舍嘅PMQ元創方,由2014年轉型為新一代文化地標,融合新舊文化氣息。PMQ主打本地時尚創意,唔少工作坊同設計都有關,好似扎染體驗、銅製飾品手作等等...除咗工作坊,PMQ嘅節日推廣都好惹人注目,好似啱啱結束嘅情人節就由Breakup Tours舉辦咗電影互啤酒館,邊睇戲邊識新朋友,概念非常新穎。

image source:Facebook
2. 赤柱市集

距離香港市中心大約40分鐘車程嘅赤柱,係唔少人選擇週末半日遊嘅理想地點。沿著海濱嘅赤柱市集,可以話係赤柱最熱鬧的景點,有各式各樣嘅商店同攤位,雖然話大多都係觀光紀念性質嘅商品,但係有時都會見到有人賣手工藝品或者藝術油畫,配合赤柱嘅歐陸式建築,簡直以為自己去咗外國跳蚤市場咁啊。

image source:IG
1. D2 Place Weekend Markets 週末市集

座落喺西九龍核心地段荔枝角,由工業大廈轉型嘅D2 place,非常活躍咁籌辦定期嘅週末市集。而下禮拜週末 (2/23-24)有LIFE MART同本地文字創作藝術家-練黑龍帶來嘅「香港X台灣」手作市集,仲有紙品同手帳玩樂區可以做個文青啊。

image source:Facebook

分析說明:

本研究資料分析時間範圍為2018年2月10日至2019年2月09日,共一年。


系統觀測港澳地區上萬個網站頻道,包括新聞頻道、Facebook、Instagram、Twitter及各大討論區、部落格等,針對討論『香港期間限定市集 』相關文本進行分析,並根據網友就該議題之討論,作為本分析依據。

DailyView曰:

香港原來都多咗咁多市集😍

接續看下一篇