嚴選2018去台灣必食十大公式化美食 網路聲量話你知

嚴選2018去台灣必食十大公式化美食 網路聲量話你知

去台灣唔知食咩好?如果仲未食齊呢十大美食,唔好話你去過台灣

2018/12/27

台式冇得輸!

今日DailyView網路溫度計透過大數據調查咗過去一年網友十大討論度最高嘅台灣美食。

好多人去台灣都當長洲咁去!網路溫度計透過網路大數據調查,就幫大家用網路聲量整理咗10大去台灣大家都會食嘅美食!一齊嚟睇下你最鍾意食嘅有冇上榜啦!

DV小教室:香港網路大數據觀測咗近萬個網站頻道(而且不斷增加ing),包括港澳地區的新聞頻道、FB、IG同埋各大討論區、Blog......透過強大嘅網文爬梳觀測,攞到巨大嘅資料樣本數,拎到上億嘅文章及留言訊息,以人工智慧的語意程式做分析。


food
10.皮脆新鮮蚵仔煎(蠔餅)

蚵仔煎喺香港又叫蠔餅,係堪稱去第一次去台灣一定要食嘅美食,幾乎喺台灣係隨處可見嘅小食。台灣蚵仔煎嘅蚵仔粒粒都又肥又飽滿,見到都好難唔流口水啊!去台北嘅話一定要試下寧夏夜市嘅蚵仔煎,包你唔會後悔!

image source:美食網
9.口感綿密嘅雪花冰/綿綿冰

軟綿綿的雪花冰,配上台灣出產嘅愛文芒果簡直就係絕配,呢個組合仲曾經被CNN評為最佳甜品。喺香港好少食得到,而且台灣亦係好多香甜水果嘅產地。當侍應捧來仿如冰雕至砌的雪花冰,見到已經令人覺得美滿和幸福!

image source:taipeinavi
8.早餐必食蛋餅

蛋餅係台灣既簡單、易整、又好吃的地方小食。唔好睇少糊狀嘅麵粉液,加入蛋漿後,就可以快速的煎出蛋餅,有傳香港人吃過之後有置身天堂嘅感覺!無論係傳統蛋餅定酥脆蛋餅都好受香港人歡迎。

image source:桂冠
7.大過你塊臉嘅雞扒

自從豪大大雞排喺香港開咗分店之後,為台灣嘅雞扒發揚光大(以前仲見過隔籬位嘅同學飯盒加料就係豪大雞扒)。不過,機票越嚟越平之後,大家都會直接去台灣食更多唔同牌子唔同款嘅雞扒,有改良脆皮同埋傳統麵衣,皮脆肉嫩,甚至仲搭配唔同香料嘅口味,香口惹味~例如去士林就一定會去排隊買炭烤雞扒。

image source:tripadvisor
6.排隊排到2046嘅黑糖珍珠鮮奶

幾年前,珍珠奶茶已經紅過一次,今次以黑糖珍珠鮮奶嘅名義再次擄獲大家嘅心。今年黑糖珍珠鮮奶可以話係喺香港瞬間爆紅,好多台式飲品店都睇準呢個商機紛紛嚟香港開加盟店。而家香港台式飲品當道,成行成市,只係貴得很!下次去台灣,就要報仇咁報,記得飲返夠本!

image source:ig
5 煙煙韌韌嘅芋圓

無論係喺美食展定年宵,只要芋圓一出現,就算幾貴都有人買!但都係台灣嘅最正宗,煙煙韌韌嘅口感,隨便食一間都唔會伏。而喺台灣除咗連鎖店鮮芋仙之外,水龜伯古早店原本喺台灣已經好出名,所以雖然唔係開喺觀光區,但都好多人會專登去排隊食!

image source:鮮芋仙
4.湯底濃郁嘅牛肉麵

好多人去完台灣之後最念念不忘就係牛肉麵,牛肉麵來源於1949年之後流亡外省老兵對家鄉嘅懷念(四川味、山東味)、以及對富足嘅嚮往(大塊牛肉)而創造出嚟。時至今日,已經成為台灣人不能缺少嘅美食之一,仲唔用舌尖嚟感受下地道的台灣飲食文化?

image source:pixabay
3.食咗會上癮嘅鹽酥雞

嫌雞扒太大份嘅人都會買鹽酥雞一路行街一路同friend 開心 share。喺台灣鹽酥雞更加係宵夜嘅首選,喺街頭就可以聞到街尾鹽酥雞嘅味,口感外脆內軟又多汁,加埋羅勒同蒜頭,真係好邪惡啊!

image source:豪大大雞排
2.湯汁豐富嘅小籠包

講到小籠包絕對第一個諗到鼎泰豐,但其實台灣幾乎每個地區都自少有一間出名嘅小籠包,例如宜蘭嘅正常鮮肉小籠包,只需台幣60蚊10個,性價比高,台灣嘅小籠包皮夠薄,肉汁多,食厭咗鼎泰豐都不妨可以試下台灣嘅小店~

image source:vitwellhk
1.入口即溶滷肉飯

滷肉飯絕對係實至名歸,點解滷肉飯喺台灣永遠都唔會退流行?因為除咗性價比高之外,亦都係台灣旅遊嘅Logo,滷肉飯同台灣幾乎已經劃上等號。熱辣辣嘅白飯上面淋上香噴噴嘅醬汁,再根據個人口味加上荷包蛋,簡單嘅食法。

image source:mobile01

分析說明:

本研究資料分析時間範圍為2017年12月24日至2018年12月23日,約一年。

網路大數據系統觀測港澳地區上萬個網站頻道,包括新聞頻道、Facebook、Instagram、Twitter及各大討論區、部落格等,針對討論『香港人最愛嘅台灣小食 』相關文本進行分析,並根據網友就該議題之討論,作為本分析依據。

本文所調查之結果,非參考投票、民調、網路問卷等資料,名次僅代表網路討論聲量大小,不代表網友正負評價。

DailyView曰:


仲唔買張機票即飛台灣?


接續看下一篇