2019
07
24
1306

孫楊禁藥事件持續升溫,又一選手拒合照!

中國泳手孫楊喺世界級游泳比賽嘅成績一直都唔錯,但「禁藥」先係佢最備受討論嘅話題。喺今屆游泳長池世界錦標賽到,又牽起一場關係孫楊嘅「禁藥」風波。
   

Image source:Youtuber:Nine News Australia影片截圖

文/偉文

喺今年1月27日,英國《泰晤士報》報道孫楊唔配合興奮劑檢驗,仲同興奮劑檢測人員發生衝突,又壞咗一個已經密封好嘅血液樣本,令到血液樣本唔可以如期送驗。就依件事,國際游泳聯合會判孫楊冇錯,但世界運動反禁藥機不滿判決,並上訴到國際體育仲裁法庭。但依件案件要喺今年9月先開審,所以孫楊仲可以參加今屆嘅世界錦標賽。



孫楊可以參賽梗係令好多其他國家嘅泳手唔滿意啦,唔少泳手都有藉發言、行為去表達自己對孫楊嘅不滿。好似星期日(7月21日)嘅400米自由式決賽到,孫楊贏咗金牌,但拎到銀牌嘅澳洲泳手賀頓(Mack Horton)就拒絕同佢一齊喺頒獎台影相。

Image source:Youtuber:Nine News Australia影片截圖


尋日(7月23日)又再出現泳手因為孫楊,而喺頒獎台到有「不合作行動」。孫楊喺尋日200米自由式嘅決賽到又拎到一面金牌,但頒獎禮嗰時,拎到銅牌嘅英國泳手史葛(Duncan Scott),又拒絕同孫楊同台合照。


Image source:Youtuber:Nine News Australia影片截圖


孫楊對史葛嘅行為感到好嬲,喺頒獎禮之後,俾人影到佢串史葛「loser」,話自己先係「winner」。



喺拒絕同孫楊合照嘅事情上面,好多網民都好支持依種無聲抗議,好似前勇士冠軍中鋒柏格特(Andrew Bogut)都係Twitter到開聲支持,仲講笑咁講話要同孫楊合照嘅泳手應該要一錘打爆個頒獎台。


但同時,兩個泳手拒絕同孫楊合照事件一出,有關泳手同埋撐佢哋嘅人都被中國網民入侵社交媒體洗版,仲搞到有泳手要暫時關閉帳號啊!


延伸閱讀►►►

片/612「反送中」示威者頭部中槍流血!視力受損卻投訴無門?

邊個香港電台節目最多人講?頭條新聞竟然只係得第五名!

片/網傳何君堯威脅朱凱廸?朱凱廸有生命危險已經唔係第一次




本則時事分析,你覺得?