ViuTV爆紅選秀比賽節目《全民造星》，喺第一季極受歡迎，姜濤亦都因為呢個節目紅咗，成為新一代香港後生嘅男神。2019年9月《全民造星II》正式播出，由眾多參加者選出99位好有才華嘅表演者，開始咗一場龍爭虎鬥，表演者各展所長，又唱又跳，出哂成身汗，都不過係為咗畀大家睇到佢哋最好嘅面，實踐佢哋喺大銀幕演出嘅夢想。咁多場出色嘅表演，佢哋已經引起好多人Follow做Fans，香港未來嘅大明星，你又睇咗未？
片／由網路走上大螢幕？YouTuber都嚟參加全民造星！
Image source：YouTube／ViuTV No.86 Cotton、No.39 嚴政及No.18 Boris影片截圖
文／積遜猿
《全民造星II》啱啱喺9月30號播出無耐，就已經有好多人留意，話一眾參加者好有星味，未來一定係係大明星喎！喺呢99位參加者當中，各有唔同嘅人生故事，擅長做嘅嘢都好唔同，好似今季有唔少Rapper咁，觀眾見到佢哋表演風格各有特色，自然每位都會有好多新Fans喇！不過，原來呢99位參加者入面，有三位本身已經有過十萬嘅Fans，因為佢哋本身就係網紅，係香港知名嘅YouTuber！
《全民造星II》18號黃浚銘 Boris同86號陳軍政 Cotton都係YouTuber，佢哋兩個好好朋友，周不時都有合作。Boris早喺2017年5月開始拍片，Cotton係Made In Hong Kong嘅導演，至今已經累積咗十幾二十萬Fans。Boris同Cotton，並無因為咁而滿足自我，反而不斷咁搵機會突破自己，令自己變得更加出色。好似Boris自己就咁講：
「我們不是為了當明星而參加 我們不是為名為利而參加 而是因為不想有遺憾 想擁有一個轟烈精彩的人生 更加想看看一個沒有甚麼才藝的自己在裏面從零開始可以變得多好 走得多遠。」
另一位YouTuber係《全民造星II》39號嚴政，佢YouTber已經有超過11萬嘅Followers，認真唔簡單！喺佢新嘅影片入面，佢仲同自己嘅爸爸、媽媽一齊睇返自己第一次喺電視嘅演出，場面搞笑又感人。嚴政拍片就拍得多，要上大銀幕面對現場咁多觀察，一定有唔少壓力。佢對於之後喺節目嘅期待，自己就咁講：
「雖然第一回合入圍了 但是其實有很多地方做得不好!!
始終因為我沒有太多的舞台經驗
但我真的覺得可以對得起自己!! 因為我的確是很認真努力地對待此事。
所以也希望大家能感受到 我這個舞癡的努力哈哈哈!!」
網路溫度計透過《KEYPO大數據關鍵引擎》，可以睇到呢三位YouTuber嘅網路討論度。嚴政、Cotton呢一年嘅網路討論最高點，都直接同佢哋做YouTuber拍片有直接關係，每當佢哋有新嘅片，都會有好多網民講。比較特別嘅係Boris，喺5月3號嘅討論最高點，網路討論區「連登」有網民討論佢參加《全民造星II》，睇嚟節目未播之前佢已經有好高嘅關注度喇！
我哋一齊欣賞吓佢哋三個喺ViuTV嘅演出：
延伸閱讀►►►