每個Joker都係癲! 華堅馮力士暴減52磅兼練病態笑聲

Image Source: Youtube: Warner Bros. Pictures 影片截圖

文／牙菜

近日上映嘅《Joker小丑》獲得好多正評，喺爛蕃茄上面有成91%咁高嘅觀眾評分。有影評就認為: 

「《JOKER小丑》是一部可以定義一個演員的生涯、角色及類型的一部電影，而且一生只有一次。希夫烈格（Heath Ledger）把小丑重新定義了，但華堅馮力士超越了他，他使小丑成為最偉大及最黑暗的反派，所有人都會為華堅馮力士演出而歡呼。」

image Source: Youtube: Warner Bros. Picture 影片截圖

有追開Joker角色嘅大家都可能知道，之前嘅演員例如希夫烈格，喺拍Joker之前放咗好多心機。而今次華堅馮力士都一樣! 佢喺訪問中就透露為咗表達出Joker嗰種病態，要喺短時間內喪減52磅。而佢為咗可以瞬間減間減磅，癲到每日淨係食一個蘋果就算！去到最尾更出現心理影響，幾乎令到佢崩潰。

image source: Youtube: Warner Bros. Picture 截圖

而為咗可以擁有符合Joker角色嘅獨特笑聲，華堅馮力士更加落足心機，睇大量嘅片去研究「病態性發笑」患者發病時嘅笑聲，務求令觀眾聽Joker嘅笑聲聽到心都寒埋！

image source: Youtube: Warner Bros. Picture 截圖

但其實一開始華堅馮力士拒絕咗Joker呢個角色幾次。而對他嚟講Joker並唔係單單一個卡通角色：

「我要的『小丑』是一個沉浸在灰色陰影中複雜且有血有肉的角色，而不能只是一個非黑即白的卡通反派。」

而佢都有透露導演Todd Phillips喺電影開拍之前，俾咗樣野佢，令佢慢慢開始進入呢個角色。原來係導演俾咗一本空白嘅日記簿畀佢，然後同佢講呢本嘢係「小丑日記」，對佢入戲好有用。佢諗返起當自己開始寫呢本日記嘅時候，就開始進入咗呢個角色。其中，戲入面嘅一句對白，原來更加係出自佢手：

「對精神疾病患者來說，最慘的是什麼？就是人們總期望你表現得彷似你沒有患病一樣。」(The worst part about having a mental illness is people expect you to behave as if you don't)

image source: Youtube: Warner Bros. Picture 截圖

今次華堅馮力士落足心機去演繹Joker呢個角色，務求將佢心目中完美而又不一樣嘅Joker呈現俾大家！喺呢個能力全部超然實嘅英雄人物電影中，《Joker小丑》可以話係一部貼近大家現實生活，唔離地嘅美國卡通電影。趁呢套被大家形容為神戲嘅《Joker小丑》未落畫之前，快啲去同朋友一齊去睇Joker嘅誕生啦！

延伸閱讀►►►

網民狂串「飲水思源」陳樂基，話「細路都識嘅嘢你都唔識」

片／CatGirl轟兩公婆食在香港抹黑？Bob叔忍唔住出聲！

十大最令人想DL交友Apps嘅時刻！你喺邊一刻都有過衝動？