相信大家都有喺淘寶買過嘢，但非洲兒童唱歌、跳舞、舉牌你又有冇買過？
淘寶賣家都係和理非？買非洲兒童打氣片再送「非暴力」
image source：網友提供
文/樂比
近年越嚟越多商人喺淘寶販賣非洲兒童嘅影片，只要喺淘寶搜尋「海外祝福舉牌」、「非洲小朋友舉牌」都會見到影片入面佢哋企喺黑板前，嗌口號、唱歌、跳舞等等，錄製大概20秒嘅祝福影片，通常拍攝後經淘寶賣家用微信發貨，部分賣家更保證可以喺24小時內可以出貨。好多人都會買嚟氹女朋友或者送俾朋友做生日禮物。
而喺最近更有人喺淘寶上面買咗一段非洲兒童嗌「五大訴求，缺一不可，香港人加油」嘅打氣影片影片喺Facebook North District 北區 嘅Goroup Po咗出嚟之後，有成3000幾個share，連網民都留言話：
「樓主應該會連累佢地俾人刪淘寶AC」
「淘佬果然好偉大,希望佢冇被消失」
「好多外國勢力」
「勾結非洲勢力」
「整多個用軍人開槍果個版本呀，正呀喂」
但亦都有網民發現淘寶依家已經冇再提供呢項商品，小編實測淘寶搜尋後均顯示為「目前未找到与您的搜索关键词相关的内容」。
小編聯絡上該位樓主後，佢當時係以128人仔買到呢條片，而原本希望口號係「没有暴徒，只有暴政，五大诉求，缺一不可，香港人加油」，不過賣家回覆暴徒同暴政有點敏感，所以他們說做不了，然後樓主話刪除「没有暴徒，只有暴政呢兩句之後，賣家就話無問題，仲喺黑板度送多咗個「非暴力」㖭！
一齊嚟睇吓，非洲兒童點樣幫香港人打氣啦！
延伸閱讀：