十大韓國醫療劇醫生令人好想被檢查!李棟旭竟然唔係第一名?

十大韓國醫療劇醫生令人好想被檢查!李棟旭竟然唔係第一名?

醫療題材一直係熱門電視劇題材,醫生專業形象加上靚仔男主角,呢個人物設定基本上無得輸。不過個個醫生造型都差唔多,要喺醫生群入面突圍而出都唔容易。

2019/08/12

醫生,我要排急症!

「一日一蘋果,醫生遠離我」,相信世界上無人鍾意睇醫生,不過如果醫生係高顏值男神嘅話就唔同講法啦。幻想吓係你唔舒服嘅時候有個靚仔醫生溫柔幫你檢查,提你定時食藥,真係心跳快到即刻要轉去睇心臟科。醫生嘅事業設定令一班男神除咗有出色外貌之外,仲有嚴肅專業嘅氣勢,一舉手一投足都散發住高劑量男性荷爾蒙,就算你抵抗力再好,都抵抗唔住。今日網路溫度計透過網路大數據做調查,集合歷年各位經典韓劇醫生男神,咁多個唔同專業嘅醫生,今日你要睇邊一科?

DV小教室:網路溫度計透過《KEYPO大數據關鍵引擎》大調查觀測咗近萬個網站頻道(而且不斷增加ing),包括港澳地區的新聞頻道、FB、IG同埋各大討論區、Blog......透過強大嘅網文爬梳觀測,攞到巨大嘅資料樣本數,拎到上億嘅文章及留言訊息,以人工智慧的語意程式做分析。

10 霸氣熟男 金來沅

全身散發著熟男魅力嘅金來沅演起醫生角色可以話係得心應手,溫柔多情性格向來都係成功追擊女性嘅重點,而且劇中飾演神經外科教授,同朴信惠嘅感情線都令人睇到臉紅心跳,雖然係醫療題材嘅劇,不過更偏向韓劇浪漫愛情走向,霸氣嘅佢有無迷到你呢?

image source:Youtube/ SBS Drama
9 國民初戀 李鍾碩

由李鍾碩主演嘅《異鄉人醫生》,講述南北韓嘅特別劇情加上兩大男神加持,絕對值得一睇。呢套劇嘅胸外科醫生角色令佢暫時放低少年感,取而代之係強烈男性氣息,角色豐富嘅變化令佢有機會發揮演技之餘,仲可以一次滿足曬唔同取向嘅Fans。

image source:Youtube/ SBS Drama
8 小迷糊 李奎炯

講返起2018最受注視韓劇唔可以唔提《LIFE》,強大陣容令大家未播出之前就已經好期待。飾演骨科專科醫生,劇中係李棟旭嘅細佬,擁有標誌性單邊酒窩嘅李奎炯都係有好高人氣,每次作品都深受大家喜愛,呢套劇入面高質演技都無令大家失望。

image source:Youtube/ JTBC Drama
7 長腿Oppa 金英光

《善良醫生》入面除咗周元之外,金英光就係另一位有外表有實力嘅男主角。比起《善良醫生》一貫醫療劇設定,佢係《D-DAY》裡面飾演急診室外科醫生嘅角色就比較鮮明突出,加上災難救助場面,令劇情更豐富同有新鮮感。而佢同女主角嘅曖昧情節都睇到人好心動,話曬都係韓劇最拿手嘅感情線呀嘛。

6 不滅男神 宋仲基

宋仲基經過《太陽的後裔》之後人氣擋都擋唔住,雖然雙宋戀最後令唔少人心目中嘅浪漫愛情故事破滅,不過一班Fans一定不離不棄繼續支持Oppa㗎!當年拍《愛情的代價》嘅時候,宋仲基仍然未爆紅,劇中只係飾演一個配角,但入面婦產科醫師花花公子嘅形象同可愛性格都為佢後來爆紅之路奠定基礎。

image source:YouTube/ bysinghe2
5 治癒系暖男 周元

喺《善良醫生》入面飾演小兒外科醫生嘅周元為咗更好詮釋角色,落咗唔少苦工,去揣摩自閉症患者嘅行為模式,精準到位演技可以話係劇中一大亮點。一直以嚟演技備受肯定,有收視率王子之稱嘅佢喺當兵期間表現優異被升做兵長,認真性格果然去到邊都一樣表現出色。今年二月退役,之後可以期待一下幾時會有新作品同大家見面啦。

4 千面演員 南宮珉

同樣係今年播出嘅《監獄醫生》,雖然劇名有醫生兩個字,不過其實同一般醫療劇好唔同。故事背景加入咗監獄同復仇呢D黑暗元素,諷刺社會權貴劇情都令呢套劇特別受關注。南宮珉喺劇中身為醫術高超嘅內科醫生,同其他醫生角色唔同嘅就係佢唔係一個完美嘅醫者形象,反而因為為咗對抗邪惡勢力而以暴制暴,亦正亦邪嘅反差魅力,相信可以吸引唔少劇迷。

3 湖瞳王子 池城

講起醫療劇,2007年嘅《New Heart》一定係入面經典之一。作為男主角池城當年復出之作,令嗰陣時唔少人都好期待。劇中胸腔外科醫生角色都唔係大家一般聯想到嘅高冷形象,相反係靠可愛、陽光嘅一面收服廣大女性。而喺7月嘅時候池城再次披上白袍演出《Doctor Room》入面天才醫生,高顏值Oppa配精湛演技,絕對唔可以錯過!

image source:Youtube/ MBCClassic
2 零死角男神 李棟旭

《LIFE》緊湊劇情加上演員班底,開播就創下韓國電視台首播最高收視,李棟旭顏值同演技當然同以往一樣受到大家關注。曾經飾演地獄使者嘅佢,著起白袍嚴肅嘅氣勢都一樣咁吸引,唔少Fans都話李棟旭太靚仔,根本無辦法專心追劇,不過咁靚仔睇多幾次都唔厭啦。嚟緊即將開播嘅《他人即地獄》,大家記得抄低時間追劇啦!

image source:Youtube/ JTBC Drama
1 吻功最強男神 崔振赫

崔振赫喺《急診男女》入面同宋智孝飾演一對離婚冤家,再次重遇發展出搞笑又浪漫嘅感情線,兩個人自然演技都為呢套劇大大加分。喺舊年《馬成的喜悅》,崔振赫都係擔任醫生角色,完美身高加上韓劇男主必備肌肉,仲有適當賣萌嘅反差,憑呢個必勝嘅公式,再一次成功擄走好多少女心。

image source:YouTube/ tvN D ENT
醫生角色
認真嘅男人最吸引

「明明可以靠顏值,偏偏仲要有實力!」呢句說話用嚟形容一班醫生男神再適合不過,演出呢類型專業形象嘅角色,相信咁多位演員演出前都需要花好多時間去了解,好似一D醫療用語等等,但係出嚟又可以成功吸納一班劇迷,努力都係值得嘅!

分析說明:

本研究資料由《KEYPO大數據關鍵引擎》提供,分析時間範圍為2018年08月09日至2019年08月10日。

網路大數據系統觀測港澳地區上萬個網站頻道,包括新聞頻道、Facebook、Instagram及各大討論區、BLOG等,針對討論『韓劇醫療男神』相關文本進行分析,並根據網友就該議題之討論,作為本分析依據。

本文分析之結果,非參考投票、民調、網路問卷等資料,名次僅代表網路討論聲量大小,不代表網友正負評價。


「加入香港網路溫度計Fan Page正過睇C1啊!」>>>

-------------------------------------------------------------------------------

DailyView曰:

「個個醫生Oppa都咁吸引,你又想睇邊一科呢?」



接續看下一篇