盤點中港台小三 8段被小三破壞嘅姻緣

盤點中港台小三 8段被小三破壞嘅姻緣

其實感情點出問題都好,搵另外一個人絕對唔喺解決方法...

2019/04/19

Images Source: hk01weiboinstagramfacebook
破壞關係只需要一個人就得

最近「安心偷食」成為全城熱話,大家除咗討論到底偷食係咪真係「全天下男人都會犯嘅錯」之外,少不免都會討伐另一個當事人—明知對方已婚或者有對象,都主動貼上去嘅第三者,又稱姣精。娛樂圈五光十色,有啲關係嘅發展可以牽涉好多人,有啲可以真係好似戲咁曲折離奇,今日就DailyView用網路大數據整理咗中港台嘅小三,一齊準備定花生嚟睇吓啦!

image source:Youtube/陳敏之 Sharon Chan

小三
8 瓊瑤

唔係得娛樂圈中人嘅愛情故事先夠「蕩氣回腸」,寫出好多經典愛情文學嘅瓊瑤,原來依家呢段婚姻都係「小三扶正」嘅故事。瓊瑤老公平鑫濤嘅前妻林婉珍係舊年出書,講返瓊瑤當年點樣介入佢段婚姻。對此瓊瑤嘅回應係,佢由始至終都係以愛之名同平鑫濤來往,佢地婚姻結束係因為緣份已盡,寫書嘅人真係講嘢都文藝啲。

7 李悅彤 (Liddy)

講名可能都無乜印象,Liddy當年做o靚模出道,被蘋果日報影到同李心潔老公—導演彭順係商場拖手錫嘴樣樣來,當場斷正,彭順當然被鬧爆,即刻飛去馬來西亞同老婆認罪。Liddy形象插水根本接唔到job,加上家庭發生巨變,一度淡出娛樂圈。搭上有婦之夫,結果人地夫妻和好,只有自己得不償失,真係慘痛嘅代價。

image source:IG/lddyli
6 陳昱霖(木木)

都話人生如戲,陳昱霖係舊年爆出佢同吳秀波嘅7年婚外情,嚇傻一班網友之餘,仲重挫吳秀波嘅形象。而佢父母透過微博控訴吳秀波呃個女返中國商討分手事宜,但另一邊又安排公安捉咗陳昱霖,發展非常戲劇性。憑住咁樣嘅操作,曾被內地傳媒稱為「中國影視圈第一好男人」嘅吳秀波目前榮登第一渣男。

image source:微博/陈昱霖木木
5 江若琳

生得靚可能真係一種罪。Elanne最令人印象深刻莫過於當年佢媽媽攞本紅簿仔,用$58存款證明佢無受到「特別照顧」,來撇清佢無介入老細林小明婚姻。就喺舊年(2018年)同十年好友Oscar宣布結婚後,都被Oscar嘅前女友Charmaine暗指當年Elanne做第三者撬牆腳,不過今次有未婚夫即刻出來護愛,同大家講清楚兩段戀情根本無重疊。

4 周勵淇 Niki

好耐無係TVB出現嘅Niki,2018年年底宣布結婚,老公喺中國內地演員傅浤鳴。Niki同傅浤鳴喺2014年因劇結緣,傅浤鳴2017年3月先同結婚20年嘅原配程愫離婚。而喺2017年壹週刊就影到過傅浤鳴係6月來過香港同Niki同出同入,大陸網友紛紛留言戥原配唔抵,表示Niki結婚喺「小三上位」,睇來呢段姻緣並唔係太被睇好啊。

image source:IG/nk830
3 何雁詩

鄭俊弘阿Fred係隱瞞自己有未婚妻嘅情況下,同何雁詩保持幾乎每日Uber接送嘅「友誼關係」。初時接受媒體訪問嘅時候,阿Fred都堅持何雁詩唔係第三者,堅持大家係朋友。而阿Fred係同未婚妻分手後,正式認愛何雁詩後,可惜呢段小三扶正嘅戀情唔受網民祝福,阿Fred無縫接軌嘅行為亦被封為世紀賤男。

2 畢瀅

年輕貌美嘅經理人同已婚嘅藝人,要學識避嫌應該是常識吧?演員張丹峰就被內地媒體爆出同經理人畢瀅係在外拍戲時,共處一室到凌晨。畢瀅同張丹峰之前就傳出過緋聞,當時張丹峰太太洪欣以大方嘅姿態,共同接受訪問並表示相信老公。再次爆出曖昧的互動,睇來夫妻之間再深厚嘅信任,都不敵日夜係身邊嘅誘惑。

image source:微博/毕滢
1 黃心穎

喺嗰段長達16分鐘嘅影片俾蘋果流出來之前,相信「安心」呢個組合都幾出乎大家意料。有幾分姿色嘅心穎BB,同馬明保持情侶關係之際,亦多次同拍劇對手傳出緋聞,但係今次仲有有片斷正。錯就錯在今次撻著嘅對象,喺被黃子華稱為「香港少有嘅愛情童話」,兩個受害者Sammi同埋馬明都有咁高人氣,難免俾人插到飛起。

image source:IG/jacquelinebwong
1 扮閨蜜入侵生活圈

其實另一半偷食真係防不勝防,最驚就係狐狸精其實潛藏係身邊同一班朋友圈,平時朋友聚會啊、食飯啊都會見到對方。大家平時關係都唔錯,甚至會一齊合照,一齊約出去,但係一啲都唔為意原來對方對自己另一半心思思。暗渡陳倉呢啲嘢,有時候就真係一個來電嘅moment,就足以令成件事唔同曬。

image source:Twitter/udama1212
2 介入人地感情仲扮無辜

有啲狐狸精衰得來,但勝在夠坦蕩,覺得搶人地老公/男朋友喺緣分嘅安排(請看前輩瓊瑤)。而最讓人恨的牙癢癢嘅狐狸精呢,就係嗰啲一副扮無辜,講到自己無心破壞人地幸福咁款。明明自己就係罪魁禍首,仲要扮驚訝點解佢地會因為自己而鬧交,擺出個姿態好似俾全世界誤解咁款。說穿其實就喺綠茶婊,明明心懷不軌仲要扮清純。

image source:ettoday/電影劇照
3 IG/FB高調刷存在感

相信拍緊拖嘅大家,最忌就係喺另一半嘅社交媒體上,見到有另一個異性頻繁地留言同互動。呢招非常高明,喺社交媒體咁公開嘅場合,計較又顯得自己太小氣。但係睇住對方喺自己另一半嘅post即like即留言,一副交情好好咁樣,又真係好難唔介意。有啲小三戀情,都可以喺呢啲社交媒體上發酵,互動密咗就好容易從公開嘅留言到私底下來往,跟住就出事架啦。

image source:fabiaoqing

分析說明:

本研究資料分析時間範圍為2018年04月16日至2019年04月17日,共一年。

網路大數據系統觀測港澳地區上萬個網站頻道,包括新聞頻道、Facebook、Instagram、Twitter及各大討論區、部落格等,針對討論『中港台小三/討人厭小三行為 』相關文本進行分析,並根據網友就該議題之討論,作為本分析依據。

本文分析之結果,非參考投票、民調、網路問卷等資料,名次僅代表網路討論聲量大小,不代表網友正負評價。


「加入香港網路溫度計Fan Page正過睇C1啊!」>>>

-------------------------------------------------------------------------------

DailyView曰:

我係一個壞咗嘅人QQ




接續看下一篇