DC、Marvel大PK!DC多靚女?唔怕!Marvel都有《Marvel隊長》杜麗莎!

DC、Marvel大PK!DC多靚女?唔怕!Marvel都有《Marvel隊長》杜麗莎!

大家都係女英雄!幹麻分得這麼細!

2019/03/08

Images Source: image idea source
政治要正確,英雄好鬼索!

image idea source :LIHKG Post

近年電影取材偏好「政治正確」都唔係咩新鮮事,拎獎又係嗰D題材,多人討論又係嗰D題材。你話你支持?仲問返我支唔支持?咁我實答你「me too」啦!依家香港地唔可以亂take side,好似Marvel都要出女英雄擔正嘅戲啦!嗱!今次DailyView網路溫度計同你講嘅嘢就唔關男女權事嘅,就單純用網路大數據嘅調查下英雄類嘅戲,咩女角色最多人討論啦!


DV小教室:香港網路大數據觀測咗近萬個網站頻道(而且不斷增加ing),包括港澳地區的新聞頻道、FB、IG同埋各大討論區、Blog......透過強大嘅網文爬梳觀測,攞到巨大嘅資料樣本數,拎到上億嘅文章及留言訊息,以人工智慧的語意程式做分析。


image source :閃文聯盟(劇照)

Marvel
10 有事要求救?唔使Batman嘅,仲有……

Batman就聽得多,但其實仲有個Batwoman架!無耐之前,呢位角色仲係DC嘅劇集入面,由霸氣女星Ruby Rose(露比·蘿絲)演出,似乎DC係想試試水溫,話唔定將來仲會有一套新嘅連續劇添。佢做呢個角色,相當入形入格。嗚呀,真係好值得期待!

image source:beautimode(劇照)
9 悲劇嘅女英雄,種族嘅倖存者

銀河守護隊」成員之一Gamora,自從由拉丁裔美女Zoe Saldana(柔伊·莎達娜)演出之後,受到好多網友嘅注意。Gamora不論喺漫畫同電影都一樣咁悲慘,成個種族死剩得返佢一個,真係好無陰公。雖然呢位角色全身綠色,似乎先天劣勢並唔討好,但呢種掩護色埋沒唔到柔伊·莎達娜嘅演技,大家都一致好評!

image source:ettoday(劇照)
8 Mera隨時勁揪過尊尼特普!

《水行俠》上映後叫好叫座,成為第一套全球票房突破10億美元嘅DC系列電影。不過唔講大家又知唔知,演女主角Mera嗰位Amber Heard(安柏赫德)係Johnny Depp嘅前妻,之前仲傳出佢告Johnny Depp家暴啊!不過最近就峰迴路轉,Johnny就反告Amber先係施暴者!嘩!真係睇得又打得!入得武堂又出得廳堂!

image source:IG/wbtw.fanclub
7 此Wonder非彼Wonder,呢位Girl你知唔知?

黃子華曰:「Wonder woman有條罅,她用Wonder bra~」Wonder woman我地由細聽到大,但另一位同姓嘅Wonder girl,我地或者就聽得好少啦。佢首次係漫畫《神力女超人》第二卷登場,好打到根本唔係人,因為佢係半神,希臘神宙斯嘅女!我哋可以想像,佢隨時同Gal Gadot-Varsano(蓋兒·加朵)一樣咁索㗎!

image source:deluxe(劇照)
6 超人之外仲有個超女?點解排名咁高嘅?

唔知大家聽過超能女孩(Power girl)未?超能女孩係DC漫畫界其實非常出名,初次喺《全明星漫畫》登場,同超人一樣咁好打,被列為100位漫畫角色入面排名最性感女角嘅第8位。當你好似我咁留心睇睇佢個樣,加埋豐滿嘅上圍,修長嘅大腿……啊,真係師父,明白了佢個排名啦。

image source:遠見(劇照)
5 你樣子如何,你的日子其實不必也如何

新鮮滾熱辣嘅《Marvel隊長》,當初選角公布嗰陣,好多網友都插過幾句,話點解呢個女主角唔搵個好似DC電影咁索咁靚嘅女仔做,睇落著到套衫咁肥佢係咪真係打得架?而家《Marvel隊長》上映之後,唔少人都話Brie Larson(貝兒·娜森)不愧攞過金球獎,果然演得相當唔錯喎!

image source:marieclaire(劇照)
4 係男人都想同佢拍拖,GFable到爆!

《復仇者聯盟2》出現嘅緋紅女巫,Elizabeth Olsen(伊莉莎白·歐森)性感嘅身材,精緻嘅面孔,呢種甜心可愛型嘅女性,真係非常咁GFable,好想同佢瘋狂拍拖.......相對其他人,佢戲份唔算好多,好多時其實都只係一位配角咁,但都能夠名列第四名,就知佢有幾吸引啦!

image source:atmovies(劇照)
3 最正嘅貓女郎?緊係Anne Hathaway

今時今日喺香港地一同人講起Catwoman,呢一位性感貓女郎先啱。咁相信大家都即刻流哂口水。Anne Hathaway(安海瑟薇)身穿一套摩登黑色嘅緊身衣,盡顯佢苗條、修身嘅性感身材,加埋佢野性咁同Batman「溝」通,唔止成功係戲入面溝到高富帥,仲順手俘虜埋萬千巴絲打嘅心㖭。

image source:高登(劇照)
小丑女
2 瑪歌·羅比完美化身小丑女

自從《自殺特攻》(Suicide Squad)上映之後,好多人討論小丑女,原因無他,Margot Robbie(瑪歌·羅比)靚囉!正囉!性感囉!佢同拍Wonder Women嘅Gal Gadot(蓋兒加朵)邊個索D,一直都廣受LIHKG巴打討論,好多巴打都只可以大叫「我全都要」!但原來喺成個香港,小丑女係多人關注D。喂!咁下年要套《猛禽小隊》(Birds of Prey)就唔好錯過喇!

image souce:ettoday(劇照)

1 Marvel首位女神史嘉蕾

黑寡婦呢個角色,自從史嘉蕾·喬韓森(Scarlett Ingrid Johansson)喺《Iron man》入面驚艷登場之後,幾乎係大家每次睇Marvel電影嘅一大期待。原因無他嘅,因為佢靚囉,靚到成為marvel電影第一位令人留下深刻印象嘅女星,話佢係女神,實係無得駁!聽聞之後由Scarlett Johansson(史嘉蕾·喬韓森)擔正嘅黑寡婦獨立電影,仲有機會搵埋Emma Watson(艾瑪·華森)一齊演出,兩大美女同台,真係叔叔不行鳥!

image souce:nextmag(劇照)

黑寡婦

分析說明:

本研究資料分析時間範圍為2018年03月03日至2019年03月04日,共一年。


網路大數據系統觀測港澳地區上萬個網站頻道,包括新聞頻道、Facebook、Instagram、Twitter及各大討論區、部落格等,針對討論『DC、Marvel系列最正嘅靚女 』相關文本進行分析,並根據網友就該議題之討論,作為本分析依據。

本文分析之結果,非參考投票、民調、網路問卷等資料,名次僅代表網路討論聲量大小,不代表網友正負評價。


DailyView曰:


你鍾意睇靚女?#Me too啊!

接續看下一篇