香港地地少人多成日都唔知帶小朋友去邊好? 其實都有咁多親子好去處!

香港地地少人多成日都唔知帶小朋友去邊好? 其實都有咁多親子好去處!

成日唔知可以同小朋友去邊度食飯,跟住DailyView一齊食好西!

2019/01/24

親子餐廳
直接俾個懶人包你啦!

唔洗上OpenRice唔洗傷腦筋,今日DalilyView直接幫你整理好放假可以帶小朋友去邊度食邊度玩。我哋根據最啱親子去嘅餐廳,透過網路大數據做咗個調查,一齊嚟睇吓啦~

DV小教室:香港網路大數據觀測咗近萬個網站頻道(而且不斷增加ing),包括港澳地區的新聞頻道、FB、IG同埋各大討論區、Blog......透過強大嘅網文爬梳觀測,攞到巨大嘅資料樣本數,拎到上億嘅文章及留言訊息,以人工智慧的語意程式做分析。


5. FullHouse Kitchen

FullHouse Kitchen同其他幾間唔同嘅佢設有好多分店唔需要訂位隨時都可以帶埋小朋友去,夠哂方便!餐廳內都有唔少卡通插畫配上柔和燈光用餐氣氛好温馨。除左有多國特色菜色之外仲有即叫即整嘅特式雞蛋仔,例如抺茶紅豆、章魚燒、大阪燒味等。

image source:Facebook
4. Kind Kitchen

香港人越食越講究唔止要色香味俱全,仲要食得健康。呢間純素食嘅餐廳全店供應嘅食品都以100%植物為本嘅「新豬肉」入饌,健康又好食。另外佢雖然無遊戲區,但有一個Mini Common專區加入教育元素,透過良食玩具廚房比小朋友從小接觸佢地嘅「良食」概念。

image source:Facebook
3. Kids Kiss Kingdom

Kids Kiss Kingdom分為4大遊戲區,視覺觸感區、認知發展區、實景發展區同好動專區,動靜皆宜,無論係活潑定係文靜嘅小朋友都可以揾到樂趣。場內仲有一個彩虹編織繩網,不過入口好神秘,小朋友要揾到先可以入去玩都幾有趣。不過呢間餐廳就成日full booking想帶小朋友去玩就可能要等下喇!

image source:Facebook
2. 大樹先生的家

喺台灣人氣極高嘅「大樹先生的家」都喺香港開設左成7千呎嘅分店。入面仲有分比唔同年紀小朋友嘅遊戲區,符合到哂唔同家長嘅要求。雖然香港就見唔到台灣有嘅招牌大樹,但就有獨家巨型大樹懶骨頭彈床,仲有招牌藍色波波池同沙池!聽講餐點仲好好味𠻹啊!

image source:Facebook
1. 九號水產

佔地50,000呎嘅九號水產,有餐廳、水產食材零售、有兒童互動樂園;可以一齊上親子烹飪班學整野食嘅私廚教室;可以帶小朋友學習漁業冷知識嘅漁港探知館,大人細路都可以喺入面得到樂趣啊!另外,4間餐廳都設有各式各樣嘅兒童餐,價錢劃一仲唔貴𠻹啊。

image source:Facebook

分析說明:

本研究資料分析時間範圍為2018年1月22日至2019年1月21日,共一年。


系統觀測上萬個網站頻道,包括新聞頻道、Facebook、Instagram、Twitter及各大討論區、部落格等,針對討論『最啱大人細路一齊去嘅餐廳 』相關文本進行分析,並根據網友就該議題之討論,作為本分析依據。


呢d地方都係童年不可或缺嘅!

放假成日唔知可以帶小朋友去邊度玩?雖然睇落都喺遊客去嘅地方,但呢d地方未去過點叫香港人呢?反正星期六日唔知帶小朋友去邊度玩,一齊睇下呢d地方有咩隱藏式玩法啦!今日DailyView網路溫度計根據親子假日好去處,透過網路大數據做咗個調查,一齊嚟睇吓啦~


DV小教室:網路大數據觀測咗近萬個網站頻道(而且不斷增加ing),包括新聞頻道、FB、IG同埋各大討論區、Blog......透過強大嘅網文爬梳觀測,攞到巨大嘅資料樣本數,拎到上億嘅文章訊息,都會save喺「網路大資料庫」入面,而呢d資料嘅數量同埋內容其實係可以被統計分析嘅!


親子好去處
5. 杜莎夫人蠟像館

喺太平山頂嘅杜莎夫人蠟像館,分咗10個區域適合一家大細唔同年紀嘅人參觀。當中個人認為最特別嘅係草間彌生藝術館好似可以走入創作者嘅內心世界。另外入面仲有好多出名嘅電影明星、運動健將、韓星嘅蠟像可以一次過影飽佢!

image source:Facebook
4. AIA友邦歐陸嘉年華

AIA嘉年華雖然係每年都有嘅期間限定活動,但每次開都一樣咁多人去。而AIA入面唔止有刺激嘅大型機動遊戲仲有唔少適合小朋友嘅小型機動遊戲,仲有好多攤位可以透過小遊戲贏大公仔同多部夾公仔機。玩到攰仲可以去美食區食下嘢休息下,再去打卡位影下相記錄低親子美好時刻!

image source:Facebook
3. 冒險樂園

冒險樂園曾經成行成市周圍都見到,雖然依家就買少見少,但依然值得帶小朋友一去架!而冒險樂園嘅CP值高低都視乎佢場地大小嘅。如果係旗艦店嘅話仲有親子烘焙教室,可以帶埋小朋友一齊去學整甜品。原來冒險樂園都可以有好多玩法㗎!

image source:Facebook
2. 海洋公園

講到假日親子好去處主題樂園一定走唔甩啦!除咗有刺激嘅機動遊戲仲有各種唔同嘅動物館。帶小朋友去唔止可以玩樂仲具有教育意義!入面仲有兒童樂園,係縮小版嘅機動遊戲,而入面海龍王餐廳更加可以好似置身海底一樣,可以一路望住好多海洋生物一路食飯,一定會吸引到小朋友。

image source:Facebook
1. 迪士尼

迪士尼樂園相信大家都唔會陌生。今次推薦一個親子新玩法俾大家,其實迪士尼周不時都會推出香港居民酒店優惠,而最新嘅探索家酒店靚到好似置身渡假村咁仲有兒童主題套房!租一晚酒店可以享用哂三間酒店嘅設施仲包埋第二日入園嘅門票,唔理你嘅小朋友有公主夢定想做英雄都會玩到樂而忘返!

image source:Facebook

分析說明:

本研究資料分析時間範圍為2018年1月22日至2019年1月21日,共一年。


網路大數據系統觀測港澳地區上萬個網站頻道,包括新聞頻道、Facebook、Instagram、Twitter及各大討論區、部落格等,針對討論『親子好去處 』相關文本進行分析,並根據網友就該議題之討論,作為本分析依據。

DailyView曰:


以後週末出街唔洗苦惱去邊喇!


接續看下一篇