2019
08
15
1581

片/到底《香港01》黃定藍?網民對于品海01觀點反應兩極!

《香港01》自2015年6月成立,由《明報》前老闆于品海籌劃創辦,係香港相當知名嘅網路媒體企業,喺近日「反送中」逃犯條例事件入面,亦都發揮相當大嘅影響力。不過,由《香港01》成立至今,一直都有好多網民成日質疑佢哋嘅立場,懷疑佢哋口講中立,實則背後親近中國。就住呢件事,于品海終於出聲回應,引嚟唔少網民留言熱議。
   

Image source:YouTube:RTHK 香港電台截圖

文/積遜猿

《香港01》創辦人兼總編輯于品海喺8月15號早上發表文章,題為〈《香港01》是「藍」還是「黃」的?〉,內容主要係回應多年來坊間嘅黃藍對立,兩邊不同立場對《香港01》立場嘅質疑,「市民強烈要求逃離困局,但社會辯論卻只允許對立的兩種「顏色」,市民甚至被強迫進行選擇」。而于品海認為,《香港01》並唔認同只有二元對立嘅局面,必須「坦誠溝通、光明磊落地審視各種選擇」,先會到解決香港現今嘅問題。

文章講到,香港回歸以來,一直處係「激烈的社會轉型期」,一直都無真正面對「一國兩制」嘅改變,「精英們以為香港的經濟和社會就是別人要學習的榜樣」,係自大,係不思進取。于品海仲講,以前香港人會用階級分類,而得返「黃」同「藍」,形成香港嘅政治衝突。除咗政府問題,市民都唔夠「諒解」,而「看似主導民意的民主派政治人物,已經變成衝突無法得到解決的責任人,建制派政黨更無法讓市民對未來有信心」。

Image source:《香港01》截圖

「《香港01》不接受只有「藍」、「黃」之分,這種對立既無聊、亦無知。」于品海指出,呢種分類無助解決紛爭,唔會令香港變得更具社會應有嘅公平正義。佢仲引用十六世紀初波蘭天文學家哥白尼為例,話《香港01》都好似佢咁,唔會因為受到阻撓而改變。「社會撕裂、大家都輸」,《香港01》既批評建制派係「應聲蟲」,又話「港獨」只係無聊嘅噪音。對近日「反送中」事件,佢就話「至今認為修訂《逃犯條例》具備合理性」,只係政府嘅推行手法有問題,低估咗民意。

于品海最後強調,《香港01》唔係「騎牆」,因為要解深層次結構矛盾,唔可以落入二元對立嘅爭執。佢主張:「但影響輿論和參與社會活動不包括勇武衝擊、胡亂挑戰警權,更不包括盲目的政治躁動,而應該通過和平理性非暴力的手段凝聚絕大多數市民,以堅定而坦誠的方式告訴政府——它有責任為香港的社會改革提供基礎,積極領導改革的討論、策劃和實踐。」

Image source:YouTube:RTHK 香港電台截圖

于品海嘅長文,引來各種立場網民唔同嘅批評,大家一齊睇睇相關留言喇!

「于生,01的前線記者可以趕走。影像全是針對警方,暴民叫駡和破壞就完全沒有。報導、標題和內文都是不中立的徧袒,全不合乎記者採訪的手則。」

「我唔係專業,但我只知道作為一個新聞機構,口講要有新聞自由,報導亦要中立,加咗個人情感就會偏頗,幾多人會因為你嘅報導而令思想有影響應該知道,回頭是岸吧。」

「香港01,係一份煽動報紙。到而家見勢色唔對,又想由黃絲,轉做藍,確實係一份,超級變色龍黃絲報。」

不過,都有網民力撐《香港01》嘅:

「《香港01》你係媒體 ,你唔可以藍,亦都唔可以黃。做媒體絕對唔可以有預設立場,做媒體一定要客觀真實咁報道。堅持中立與良知。」

「看完后,创始人说话还是挺有见解挺客观的!赞一个!」

「同意于先生的論點,但如何帶出公平正義,如果讓弱勢能成為持分者,從現在的架構看來難度不低於要求林鄭徹底解決五大訴求。」


延伸閱讀►►►


片/眼部中槍女子傳失明,全城震怒入機場!

片/【鐳射筆之晚】年輕人展露笑容,網民話睇到好心酸!

一芳香港總代理蒲頭出聲明 有人話要飲到佢上市為止?



本則時事分析,你覺得?