2019
08
08
1380

一芳香港總代理蒲頭出聲明 有人話要飲到佢上市為止?

香港一芳水果茶總代理出聲明,你睇完之後仲會繼續罷買定會去支持佢?
   

image source:yifangtea.hk

文/樂比

香港反送中社運活動持續升溫,網民更喺8月6日發起「三罷」(即罷工、罷市、罷課)嘅行動,而喺當日台灣過江龍嘅一芳水果茶喺微博發表咗兩個Post,而引起一連串台港網友嘅罷買風波。


一芳坚决反对任何形式的对香港长治久安的危害的行为,同时也会加强对旗下加盟门店约束管理,杜绝一切造成不良社会影响之现象。

「坚决维护一国两制,坚决反对暴力罢工!
有关违约门店已即刻采取解约关店动作,倘有违反法律藐视国家的行为,必将严惩并保留进一步追究法律责任的权利!一芳绝不允许任何意图分裂国家的行径!
除个别政府建议,因安全考量,处于示威游行核心区的门店外,一芳香港20家门店压力下坚持营业!
坚决反对罢工和暴力,一芳水果茶持续营业!」


而喺今日(8日),香港一芳水果茶嘅總代理劉心暉就喺Facebook嘅咗個Fan Page仲出埋篇聲明㖭!

image source:風波裡的總代理 - 劉心暉 Thomas

一齊嚟睇睇去點講啦~

Hi!

喺呢個時候開呢個page,係有幾個原因:

1)連日來有好多身邊嘅朋友,甚至一D公眾人物都幫口幫本人平返,反而自己就一直潛水。我明白香港人、台灣人及世界各地的朋友都仲有好多問題想知清楚多D,只要唔係影響到別人嘅其實我唔介意講。但都唔想一直搞住人,所以決定自己開一個平台;

2)大家喺我哋公司專頁嘅留言我都有睇曬,除咗俾人小同叫我快D執之外,我見到極多後來變相支持嘅留言都係一律叫我自立門戶創立自己品牌,甚至有人話要飲到我上市咁話!好,我就一於集想廣益,俾個平台大家俾吓 creativity ,我如果做品牌應該叫咩名?賣D乜?飲到全部同路人可以喺太空館外觀星之餘,仲可以跳埋開心舞!

3)我一直都想為香港年輕人做多點野,但又唔知可以做乜。諗咗好耐,我覺得我嘅所謂專業領域都算是飲食業。雖然而家未必有好多人有心機創業,但如果有的話,我好樂意同大家分享一下經驗。成功嘅經驗暫時冇乜,但失敗嘅經驗可能仲寶貴,起碼令你交少好多學費!我記得我偶像 joker (同我)講過:"if you're good at something, never do it for free." 但而家唔好講錢啦,費事傷感情;

4)亦係最重要一點,就係要公開多謝我一班好同事!大家連日來為公司同為我本人操心,真心感謝🙏🏻 特別一提係喺公開平台用真名發聲為我平反嘅 Yanki、Amigo等,仲有其他嘅但係唔開曬咁多名喇,我公司唔需要太多KOL。再一次多謝你哋每一位!呀仲有一班好可愛嘅前員工,大家去咗第二度發達都仲咁關心我,好感動😭

澄清事項:
1)以上所提及的各人實為本公司員工,清楚公司運作,所言亦為屬實;
2)我間公司係「力事達NextStep Gourmet Group」。旗下「One Tea Ltd」係香港「一芳」獨家總代理。我哋自己有開直營門市,亦有加盟店。至於有人話查到台灣總公司有喺香港註冊公司,我唔知情但亦覺得唔出奇,始終人哋有唔同品牌,註冊咗間公司亦唔代表有實質業務,總知香港所有「一芳」店係屬於我哋管,台灣總公司係品牌擁有人;
3)八月五日我哋有門市冇開,亦都有門市有開,我哋總代理冇過問,只係要求加盟商事先通知我哋,費事被人問到口啞啞。我哋亦冇通知台灣總公司;
4)我哋冇用微博,簡體字聲明唔係我哋出,事前亦未睇過篇聲明,直到上網先睇到。我哋一直冇回應及澄清,係因為我一直等緊台灣總部俾進一步指示(但到而家都冇收到),再加上我哋以為外間會知道大陸同香港嘅分別,直到連台灣自己及海外分店都誤會而炮轟我哋香港代理方,所以先決定要出返份聲明;
5)簡體字聲明係上海公司出,上海公司算係台灣總公司的子公司,我所知係咁多,佢哋公司內部嘢我冇問過。總之我哋從來冇同上海呢間公司deal 過,合約亦唔係同佢簽,但兩邊應該係同一個老闆;
6)到現時為止,冇任何員工因為呢件事被炒,我哋公司亦冇意向同任何鋪頭解約;
7)台灣公司創辦人柯先生係一位年靑有為,白手興家的企業家。我當佢係朋友亦非常尊重佢,至於佢政治立場及取態,我自己本身唔知亦冇意見,我身邊亦有唔少不同政見的朋友但係我尊重每一個人。有人話我應該查清楚佢政治立場先同佢合作,我覺得不太可能,因為做生意其實好少講呢D;
8)有人問我合約條款內容,呢個我唔講得,一來商業秘密,二來合約內條款係受保密協定限制,冇可能公開討論。大家問我如果幫襯香港「一芳」,台灣總公司有冇受益?我可以答大家一定有,唔係人哋授權俾我做咩?就算冇有形利益,無形利益都會有。好似據我所知有D外國代理商係見到我哋香港做得成功先知有呢個品牌,繼而代理去咗其他國家。如果有人因為咁而罷買我都無嘢講,不過大家最好確定一下你每日消費的商戶背後每一位股東的政治立場先。如果唔係,對我樓下D加盟商有欠公平。我出嚟講嘢主要都係為咗呢班努力經營辛苦創業的小本加盟商,我唔想佢哋D血汗錢因為有D人知D唔知D而血本無歸;
9)好搞笑係有人講到無嘢講,話我哋D飲品有化學味!嗱,我自己做生意好有底線嘅,我簽呢個品牌係因為自己都有小朋友,唔想佢哋飮化學嘢,之後知道一芳D原材料真係真材實料及天然所以先帶嚟香港,唔怕你fact check ,就怕你唔 check!我哋連糖都係由天然蔗糖店內熬出嚟,唔同其他有D品牌買一支支化學糖醬或者開粉呢樣嗰樣。我哋唯一一種可能有化學嘢嘅原材料係某乳酸飲品,最多唔賣囉⋯⋯
10)亦係最重要一點:好多人睇完個簡體字聲明之後就一口咬定我哋係大陸品牌扮台灣而罷買,「一芳」係台灣品牌,我哋係香港公司。我好欣賞大家咁有骨氣,但如果聽日我見到國內知名品牌「X茶」條龍長過我間鋪,我就只好收返「骨氣」兩個字..... 🤣

仲有其他問題,即管問。總之唔影響到人嘅我都可以答。



延伸閱讀:

怪錯香港一芳!網民重申「不分化」、「不割蓆」!

片/「街坊」係社運嘅新角色?點解冇gear都可以咁「勇武」?

片/網民指責示威者打人毀車,但原來事實係司機想撞人在先?



本則時事分析,你覺得?