2019
08
05
1214

女警一夜之間多粒花,網民話:「升咁快,打機咩?」

今早(8月5日)行政長官林鄭月娥會見記者嘅時候,提及警方將會喺每日四點鐘都會召開記者會,交代警方當日處理示威行動嘅情況。警方亦喺今日舉行咗第一次咁樣嘅記者會,而眼利嘅伍家謙就發現咗見記者嘅女警,正正係尋晚(8月4日)見記者嗰位,仲一夜之間多咗粒花。
   

image source:Facebook:香港警察 Hong Kong Police影片截圖

文/偉文

今日(8月5日)十點嘅時候,行政長官林鄭月娥亦同一眾司長、官員召開記者會,再度重申政府立場以及譴責示威者暴力行動並企圖,亦公佈咗警方將會由今日起,每日都會召開記者會,交代警方當日就社會問題、事態所採取嘅行動。另外,特首亦都有提及係會按需要舉行政府跨部門嘅聯合發佈會,用嚟交代有關社會示威行動嘅最新事態,同埋政府相關嘅應變措施。

image source:香港電台影片截圖

好多市民都話政府嘅記者會講嚟講去都係嗰幾句,今次都唔例外,好似「錄音機」咁播返一模一樣嘅說話。就連建制派蔣麗雲議員,都忍不唔住喺Facebook page到話政府淨係講問題,但又冇提出解決方法,感到失望。

冇解決方法,但有新嘅方排:警方將會由今日起,每日四點都會舉行記者會交持當日警方嘅行動情況。而係今日第一次嘅例行記者會召開嘅同時,大家都未聽內容係咩,著名媒體人伍家謙就發現到一件令人震驚嘅事。代表警方發言嘅女警,同尋日見記者嘅女警係同一個人,相隔一晚之後,女警竟然膊頭多咗粒花,個title變咗做「警察公共關係科署理總警司」。

伍家謙個post一出,就引起網民熱議,有人話寫明「署理」應該係acting;但又有人話現任「警察公共關係科總警司」,就「衝立會嗰日隻錶show五點嗰個」謝振中,可能係因為俾網民揭穿咗之後唔好意思做落去。

image source:香港警察 Hong Kong Police影片截圖


唔知個真相到底係咩呢?睇吓警方會唔會遲吓出嚟又解釋吓先!


延伸閱讀►►►


片/警員強行抬走少女導致走光,市民怒斥「蝦女仔」!

香港三罷!機場員工集體病假2百航班取消 林鄭轟:推港上不歸路

片/《鏗鏘說》係咩節目嚟?《鏗鏘集》風波引起網民力撐



本則時事分析,你覺得?