2019
08
02
1211

片/《鏗鏘說》係咩節目嚟?《鏗鏘集》風波引起網民力撐

港台節目《鏗鏘集》,喺近日香港自6月9號嘅「反送中」逃犯條例事件,已經播出過「讓聲音看得見」,詳盡咁講返逃犯條例事件嘅始末;到「這年初夏」,訪問幾位只係讀緊中學但堅持抗爭,為香港發聲嘅年輕人;而7月22號播出「612/721的傷口」,專訪兩次警民衝突中槍、受傷同流血嘅香港抗爭者;7月31號「元朗黑夜」多組鏡頭重現白衫人毆打市民的恐怖場景,道出咗警察執法不公嘅真相。
   

Image source: FB:鏗鏘集 Hong Kong Connection

文/積遜猿

《鏗鏘集》一直俾網民稱為媒體良心節目,用嚴謹嘅態度,詳盡嘅資料報導出客觀、持平嘅政治時事議題。近日「反送中」引起嘅紛爭咁多,緊係相當多人會睇《鏗鏘集》喇!而《鏗鏘集》暫時最受歡迎嘅一集,就係「721元朗黑夜」,自7月29號FB上傳短短幾日,已經有5.8萬個心情回饋,五千多個回應,近八萬次分享。網民就力讚:「平時已經高質,今集更加高質,謝謝鏗鏘集!」

不過,正所謂樹大招風,特別喺香港呢個政治對立咁敏感嘅時期,要道出真相,話唔定會得罪好多人。正因咁,傳出話TVB唔會再播《鏗鏘集》嘅傳言。而《鏗鏘集》亦喺7月30號FB Page公告,暫別TVB,節目原定時間將由《鏗鏘說》代替,仲請咗新一代男神「鄺神」鄺俊宇做嘉賓。網民見到咁嘅情況,真係相當擔心,係咁話罷睇TVB,提議「直接轉去31台睇囉」,「youtube睇都得啦」。

咁《鏗鏘說》到底係咩呢?其實就係由一位唔固定嘅主持,訪問另一位唔固定嘅嘉賓,兩個人邊吹水邊睇返《鏗鏘集》歷年精選嘅作品片段,從中分享大家嘅經歷、感受同成長故仔。近排最出名嘅,緊係主持石永泰訪問倪匡,倪匡呢位智慧老人,再評香港現今社會局勢,真係塞錢入我哋袋。《鏗鏘說》雖然無咁多新聞報導,但就係俾主持嘉賓各抒己見,一樣精彩,好值得大家支持。

8月2號妟畫,《鏗鏘集》「收到來自四方八面的問候,多謝大家的關心」,又再喺FB Page出咗個新Post回應各位。佢哋重申「這是早於今年初我們決定的一個節目安排,透過製作《鏗鏘說》人物訪談、《鏗鏘映話》社區放映會等不同形式,呈現時代的紀錄。」希望大家可以幫手「化解坊間誤會」,又寄語「大家不用在此艱難的時刻掛心我們」。

一齊睇睇底下網民點樣力撐:

「由細睇到大嘅鏗鏘集繼續鏗鏘有聲!」

「感謝港台公正將真正事實呈現給市民知。前缐上的記者要小心自己的安全!」

「 支持鏗鏘集及港台所有同事,不畏強權發聲。」


延伸閱讀►►►


邊個香港電台節目最多人講?頭條新聞竟然只係得第五名!

片/警察致國泰航空嘅公開信!杜汶澤、梁振英亂入留言講咩?

片/香港少年冰球代表隊俾深圳隊毆打?網民起哄話做咩唔還拖!



本則時事分析,你覺得?