2019
07
29
1597

網民話警察「靠嚇」,IFC、711職員唔畀警員進入合情合理?

有市民喺7月28日發起「全城追究上環開槍大遊行」,追究警方喺7月21日於上環開槍嘅責任,但遊行俾警方反對,淨係准喺中環遮打花園舉行集會。入夜之後,集會事態發展到警民衝突,警方以武力驅趕示威者後,並喺多處設置防線以及進行搜捕行動。而網上就流傳兩段警方進行防線推進同搜查行動期間,市民行使自己權力嘅影片,引嚟網民熱鬧討論,話係市民保障自己權益嘅教學。
   

Image source:(左圖)Facebook:香港電台視像新聞RTHK 影片截圖

(右圖)Youtube:茶寮坳何冠寰影片截圖

文/偉文

7月28日嘅「全城追究上環開槍大遊行」俾警方反對,改為喺中環遮打花園到舉行集會,而集會喺入夜之後演變成警民衝突。警方先施放多枚催淚彈驅散民眾,再出動速龍小隊以武力驅趕、制服示威者,期間多名市民受傷、被捕。


其後,警方喺多處設置防線,而係中環天橋上設置防線嗰陣,一位疑似係國際金融中心(IFC)嘅代表行到警方前面,表示唔歡迎警員入商場內。佢話:「你哋最好停喺度唔好再向前,話返畀你哋指揮官聽,我哋唔歡迎你入嚟商場。」



IFC拒絕警員嘅影片廣泛流傳喺網上面,備受網民推祟同討論。同時亦有網民post出一段7-11職員同警員對話嘅影片,內容係警員要求進入7-11搜查嗰陣,職員表示好願意合作,只要警員show pass(出示委任證),同埋表明警方要進入店鋪搜查係應該要聯絡保安部,並由保安部主任陪同就可以進行,又話明依D要求係合乎《警察通例》同埋係佢公司規矩。


由影片可以見到,職員同警員對話期間,警員係表示:

「警察著住成套警察制服都要show pass 係唔合理嘅。」

「你依家係咪阻止警察執行職務?」

「如果我要入嚟執行我嘅警察職務,而你係阻礙咗嘅話呢,你係干犯咗阻差辦公嘅罪行嘅。」

「如果你唔畀我入去,你就係阻差辦公喇!」


有網民就批評依位警員嘅言論係「一味靠嚇」,又有留言話「711職員仲專業過班警察」、「睇嚟7-11哥仔仲熟警例過班警察喎」。


其實,《警察通例》44章04節〈搜查處所〉到就清楚例明警方係應該要點做嘅,依到就節錄幾點畀大家睇睇:


警務人員如未獲得合法授權或擁有人/佔用人的同意,不得進入任何處所搜

查。 


2. 警務人員於獲得擁有人/佔用人的同意進入任何處所執行搜查後,如該擁有 人/佔用人其後不同意,則警務人員須立即離開。如該擁有人/佔用人同意,則警務人員須把此事記錄在其記事冊內,向該人覆讀有關記項及請該人自己閱讀,並請該表示同意的人在記項旁邊簽署。若警務人員獲擁有人/佔用人准許進入處所內作一般查問,及警務人員在進入處所時並不預期會執行搜查及搜集證據,則擁有人/佔用人不需要在人員的記事冊記項內簽署。 


3. 若人員進入處所內向擁有人/佔用人進行查問,而其後決定執行搜查的話, 則上述第1及2段的條文適用,人員並須獲法律賦予權力或獲處所的擁有人/佔用人同意才可執行搜查。 


4. 在執行搜查令或授權書搜查處所時,在場的高級警務人員須:

1.    (a)  說出其本人的姓名、職級、單位或所屬警署;如當時身穿便服,則須出示警察委任證;

2.    (b)  確保所有其他隨行的便衣人員均出示及配上警察委任證;

3.    (c)  說明搜查的目的,並解釋該項行動所依據的權力;

4.    (d)  出示手令(如當時持有手令的話);

5.    (e)  如當時未有攜帶所執行的手令,便須告知該處所的掌管人,謂如欲查 閱手令,可於搜查完畢後作出安排,及通知該人可供查閱搜查令的地方;以及 

6.    (f)  如根據一般授權書行事,須出示該授權書。 


市民睇吓《警察通例》,其實就可以知道警方係執行職務嗰時有咩權力,自己可以保障返自己擁有嘅權益,冇咩壞嘅!


延伸閱讀►►►


「王先生」投訴警察「九唔搭八」唔識中文,言辭搞鬼網民狂笑

片/100毛東方昇扮警察!神似造型演技點樣引起網民熱議?

點解返H&M都要戴頭盔?網民發起全民頭盔月!




本則時事分析,你覺得?