2019
07
25
1255

片/元朗「藤條教仔」?森美嬲到喊!教仔不如學森美啦!

7月21日元朗白衫人打起「藤條教仔」名號無差別襲擊市民,令到社會震驚、憤怒,各界人士紛紛表態、譴責。著名電台DJ森美亦係事發之後嗰日,喺商業電台節目《早霸王》表達自己的對依件事嘅睇法,情緒好唔穩定,一度哽咽。教仔?不如睇吓森美點教啦!
   

image source:Instagram:sammy903

文/偉文

Facebook專頁「聲討教協」於7月21日下午2點45就已經開post話「元朗準備大量滕條教仔」。


元朗「藤條教仔」並非虛言,於當夜真係有大批手持藤條、鐵棒同埋木棍等武器嘅白衣人,喺地鐵站無差別攻擊民眾。


image sourceTwitterwilsonleungws


元朗白衫人無差別襲擊市民事件令到香港市民極為驚訝同憤怒,「大哥」森美亦係其中一個,佢仲喺7月22日嘅《早霸王》講到哽咽。




全城譴責元朗「藤條教仔」嘅暴力事件,就算係親生仔,要「教仔」係咪真係要用藤條呢?好似森美咁,同個仔政治立場唔同,佢都唔會用武力、或者身份去強迫個仔聽佢講啦。咁佢點做?一齊睇吓依條片,聽吓佢哋兩仔爺講咩。




原來森美個仔小學嗰時係「藍絲」,同森美的諗法、立場唔同。當時森美知道咗之後,就有「應唔應該改變佢呢?」、「應該點樣引導佢呢?」等等嘅疑難,而森美係決定同個仔講兩邊嘅嘢畀佢自己從思考中改變,由「藍」加「黃」後變「綠絲」。

森美教仔,係同個仔有傾有講,唔會覺得小朋友表示相反意見係「任性」,自己做爸爸嘅聆聽係「遷就」;亦唔會用老豆嘅身份強迫,更甚用武力去控制個仔嘅思想。森美最近受訪問仲有提到仔仔會同屋企人討論英國脫歐,父子有謁傾,關係咪自然好囉!

由森美父子關係就可以知道,教仔係在於「聆聽」,而唔係「藤條」㗎!而森美教仔嘅方法,其實係解決依家社會矛盾嘅好方法!點解「反送中」持續咁耐啊?一齊聽吓森美點講。


如果肯「聆聽」,或者「We connect」係好易嘅事。森美教仔,認真有計!


延伸閱讀►►►


點解返H&M都要戴頭盔?網民發起全民頭盔月!

片/元朗白衫人襲擊市民涉「外國勢力」?網傳泰國拳手有份參與!

片/達朝滅亡已成真?達哥用「引戰狗」形容網民嘅批評




本則時事分析,你覺得?