2019
07
25
1440

點解返H&M都要戴頭盔?網民發起全民頭盔月!

香港一向有個潮語:「戴頭盔」。呢個潮語點解呢?就係話當我哋做某啲危險嘅事情嗰陣,要戴定頭盔先,以防有咩意外發生。「戴頭盔」亦都引申咗做講嘢之前嘅利益申報,或者撇清責任。不過呢,最近香港因應「反送中」逃犯條例事件,令到「戴頭盔」呢個行為有唔同嘅意義。
   

Image source:LIHKG Post 「全民頭盔月」會員韜韜易肥

文/積遜猿

自6月9號香港「反送中」一百萬人和平遊行,到近日7月21號上環警民衝突、元朗白衫人無差別毆打市民「恐襲」,社會紛爭、不安一直延續至今。「戴頭盔」,唔止喺示威遊行要戴,已經開始變成香港市民嘅抗爭工具,既係宣揚自己嘅政治理念,亦都係批判警察濫權。「全民頭盔」嘅理念,其實早就喺香港6月13號記者會可以見到。

Image source:YouTube:战友之声 Voice of Guo.Media 截圖

事源係香港6月12號金鐘一帶嘅警民衝突,唔少記者都受到警察暴力對待,例如網上流傳嘅代表事件法國記者指罵香港警察攻擊記者咁。去到6月13號,當警務處召開記者會嗰陣,一眾記者都頭戴頭盔出席、發問,結果佢哋呢個行為就被拍下多張照片,連外國媒體都相當關注。「戴頭盔」呢個行為,已經表達咗記者對自身安全嘅焦慮,同埋諷刺警察嘅過度武力。

Image source:LIHKG Post 「突發 尖沙咀H&M」IG:9ii99ii9

真喺去到「全民頭盔」,就要數7月24號,網上流傳一張香港市民戴黃色頭盔嘅相,頭盔仲要貼住「我政治冷感」、「我奉公守法」、「我返緊屋企」同「唔好打我」,明顯係講緊元朗白衫人無差別毆打平民件事喎。同時間,又有另一張相,係一名H&M員工戴住頭盔返工,頭盔貼住「上環36槍」同「警黑合作」嘅字句。呢種「戴頭盔」表態嘅行為,即時受到網民激讚。

Image source:LIHKG Post 「全民頭盔月」會員韜韜易肥

網民仲呼籲大家一齊「全民頭盔」,聲明「香港警察已無能力保護市民,保護好自己,先拯救到香港」。一齊齊網民點講:

「令安全帽變時裝!」

「依個時候頭盔真係要一人準備一個。」

「呼籲全城每次去遊行集會都戴頭盔!」

「我聽日會戴住出去食飯,希望大家都可以響應。」


延伸閱讀►►►


片/達朝滅亡已成真?達哥用「引戰狗」形容網民嘅批評

片/612「反送中」示威者頭部中槍流血!視力受損卻投訴無門?

片/網傳何君堯威脅朱凱廸?朱凱廸有生命危險已經唔係第一次



本則時事分析,你覺得?