2019
07
24
1247

片/612「反送中」示威者頭部中槍流血!視力受損卻投訴無門?

香港「反送中」逃犯修例抗爭,自6月9號一百萬人和平遊行,6月12號金鐘一帶警民衝突,至今依然都係風波未息。連番事件,好似7月21號晚上,警察喺上環再次向示威者開槍,元朗白衫人「無差別攻擊市民」恐襲事件,一單又一單嘅流血衝突,令香港人相當痛心。
   

Image source:YouTube:RTHK 香港電台

文/積遜猿


。。

123

喺示威現場,喺網路片段,都可以見到好多人受傷流血,好多人都相當擔心佢哋嘅安危。7月22號,港台節目鏗鏘集以「612/721的傷口」為標題,訪問咗6月12號抗爭入面中槍嘅傷者,楊先生。楊先生係一名中學老師,佢俾警方開槍打中咗右眼同胸口,右眼一度睇唔到嘢。

楊先生複述當時嘅中槍嘅情況:「第一好驚自己會盲喇,因為啱啱中槍嗰陣對眼係完全睇唔到嘢嘅,一片模糊,嗰陣不斷咁諗自己會唔會失明。嗰陣嘅感覺係有啲嬲嘅真係,佢真係無需要用槍對付我。」楊老師視力受損,工作只可以靠左眼工作,對生活好唔方便。

楊先生一直接受治療,但右眼進展緩慢。醫生亦都話,就算係做手術都唔代表回復視力,因為只係得六、七成機會視網膜嘅裂孔會成功埋口,需要有奇蹟先得。


圖中人物為監警會前委員鄭承隆。 

Image source:YouTube:RTHK 香港電台

片中亦提及,楊先生雖然好想投訴,但係投訴無門,未必可以證明警方使用過度武力,亦都無警方咁多資源。另一位6月12號受傷嘅示威者Florence都話,市民俾警察濫權毆打,無任何渠道可以投訴,因為監警會唔會保障投訴人嘅權益,而警方亦都未必會同監警會合作。監警會前委員鄭承隆就話,應該要成立獨立調查委員會,咁先可以有第三方機構,調查警方同示威者。


延伸閱讀►►►


邊個香港電台節目最多人講?頭條新聞竟然只係得第五名!

片/網傳何君堯威脅朱凱廸?朱凱廸有生命危險已經唔係第一次

何君堯親人墓碑被破壞!網民熱議兇手身份!



本則時事分析,你覺得?