2019
07
18
1252

銀髮一族或會成為「蓮燈仔」?網民起哄開「連登」長者版!

7月17日,由銀髮族發起嘅「銀髮族靜默遊行」,有近9000名長者參與,目的係向年輕人表達老人家係支持、認同佢哋。銀髮族嘅行動,廣泛引起年輕人討論,有網民更加話要開一個長者版嘅「連登」,名為「蓮燈」,要真係「We connect」。
   

Image source:編輯自「LIHKG」討論區APP圖案

文/偉文

7月17日,香港有一場好特別嘅社會運動,叫做「銀髮族靜默遊行」。一班滿頭白髮嘅老人家,由中環遮打花園遊行到政府總部,主要係表達支持年輕人連日嚟為香港嘅示威、抗爭活動,又表示對年輕人嘅訴求表示認同、明白,要求政府正視市民聲音。


網路上一時之間有好多關於「銀髮旅遊行」嘅討論,藉KEYPO大數據關鍵引擎就可以睇到,7月17日有關「銀髮旅遊行」嘅討論熱度急升,而討論嘅熱門關鍵字,主要係「感動」、「支持」、「多謝」、「加油」……等等嘅字眼。

image source:《KEYPO大數據關鍵引擎》(分析期間:2019/09/12-2019/09/18)


有網民表示,「年輕人」同「老人家」真係「We connect」喇!仲有個叫做「MiloMan」嘅網民建議要開個長者版嘅連登,改好埋名叫做「蓮燈」,仲諗好晒D細節位:「銀巴銀絲進入後字體會馬上變大三倍,背景就會變成了蓮花的圖樣,而且蓮燈下面會有每日不同的平安句子。」又話要有幾個專為老人家設嘅台:「長輩圖台」、「養生台」同「野餐台」,真係認真夠晒創意!

image source:「LIHKG」手機頁面截圖


最正嘅係,好快有好多連登仔發揮創意,整咗唔少生鬼嘅圖出嚟。一齊嚟睇吓連登仔嘅創意啦:

image source:網民粗壯的飲筒

image source:網民骯髒大盜

image source:網民聖鬥士羞恥

image source:網民鐵血的bear兒


延伸閱讀►►►


片/年輕人嘅守護者葉德嫻!銀髮族遊行誓言唔做廢老

網民推出最新「理想女友計分表」!今期流行,流行出嚟遊行。

被《時代》選中嘅連登仔!同特朗普齊名,網上最具影響力25個人









本則時事分析,你覺得?