2019
07
10
1518

寶礦力喺TVB抽起廣告,換嚟嘅係支持定抵制?

近日,有網民批評TVB嘅新聞資訊唔全面,有遮掩社會問題真相嘅疑慮,所以就發起罷買喺TVB落廣告嘅產品,並得到唔少網民嘅支持。同時,網上流傳出寶礦力水特唔再喺TVB到落廣告嘅消息,引起廣泛討論,正負評都有唔少。
   

image source:香港pocarisweat官網截圖

文/偉文

喺尋日(7月9號),網上流傳出寶礦力水特唔再喺TVB到落廣告嘅消息,引起網民熱烈討論,有讚有彈,有人話罷賣,但又有唔少人落街掃寶礦力現貨。一時間,「寶礦力」成為熱門話題,我哋透過《KEYPO大數據關鍵引擎》就可以睇到,「寶礦力」真係喺7月9號忽然「彈起」,成為討論區熱門討論話題!


image source:《KEYPO大數據關鍵引擎》


事源係有網民批評TVB嘅新聞資訊,有遮掩社會問題真相嘅疑慮,所以發起要罷買喺TVB落廣告嘅產品。之後喺「LIHKG」連登討論區到就傳出保礦力喺TVB抽起廣告嘅消息,仲流出一張保礦力Facebook page回覆網民嘅截圖,訊息含有抽起TVB廣告嘅內容。


image source:網路流傳圖片

網民見保礦力依個大品牌嘅回應,普遍覺得罷買行動有顯著成效,並紛紛話要落街買寶力礦支持。好似連登就有位網民話,屋企得佢一個飲都買咗2箱支持,仲驚買返去俾屋企人媽叉死。


image source:網民你前來·我過去圖片


但另一邊廂,亦都有唔少人話保礦力咁樣抽起廣告係政治表態,唔係一個合理嘅行為。好似前香港特首就喺佢Facebook就開post譴責,仲叫全國人民唔好買。


寶礦力咁樣喺TVB抽起廣告嘅行為,有人撐時有人彈,結果到底係好係壞呢?咁就要睇有幾多本身唔買寶礦力嘅人為咗撐佢而買,再睇幾多本身成日買佢嘅人為咗依隻事而罷買喇!


#我冇嘢講


延伸閱讀►


片/反送中嘅網路影響:Telegram喺香港到底仲安唔安全?

片/邊個係廢青?佔領立法會HKU義士露面受訪

片/生子當如馬車?何君堯同劉馬車fd過夾band?





本則時事分析,你覺得?