2019
07
05
1373

片/邊個係廢青?佔領立法會HKU義士露面受訪

香港示威者首度佔領立法會,但喺時間緊迫,警察好快會入內清場,其間有一位義士除低口罩,公開自己面目……
   

Image source:Youtube截圖

文:積遜猿

7月1號晚,喺妟晝民間人權陣線71大遊行之後,唔少示威者都仍然留守抗爭,轉戰香港立法會,甚至喺晚上時間進佔無人嘅立法會。佢哋最初想模仿台灣嘅「太陽花學運」一樣,長期留守立法會,呢個時候,義士梁繼平除低咗口罩,呼籲在場嘅人士繼續佔領立法會。


「我哋真係無得再輸。如果我們今晚返去開冷氣訓覺,第二朝,香港冇事沒發生過。一個月嘅犠牲完全付諸東流。我哋係咪想要嗰三條人命、我哋好多日嘅血汗就咁付出,白白浪費?


「我哋真係唔可以再輸。如果我呼籲出面嘅同學,唔好再野餐,唔好再快閃,我哋一齊入嚟佔領。太陽花學運,當年學生佔領咗之後,大人、和理非領袖、立法會議員、係會喺出口保護我們架! 所以我哋學生,我哋首先唔好諗住其他東西﹐我哋一定要有足夠嘅手足、足夠嘅朋友,有果份嘅勇氣,一齊進入呢個會議廳。我哋愈多人,呢到就愈安全。


「我除低口罩,係因為想俾大家知道,其實我哋香港人真係冇得再輸架喇。我們香港人真係唔可以再輸。當我們再輸,是十年。你諗住,十年! 我哋嘅公民社會,就會一沈百踩!」


最後,立法會嘅抗爭者全體撤離。有好多網民都相當擔心除低口罩露面嘅義士,驚佢會俾人發現身份,好快有警察上門拘捕佢。不過,粱繼平義士其實一早已經做好心理準備,接受咗《南華早報》訪問,喺7月5號早上刊登咗出嚟。



網民見到義士嘅訪問,即時用「除口罩義士係HKU神科畢業,美國名校博士生」嚟形容佢,引起熱烈討論。原來平時成日俾人話係廢青嘅示威者,竟然係香港最高學府HKU政治學與法學雙學位嘅畢業生,仲喺美國華盛頓大學修讀緊政治學PHD,認真唔簡單。


有網民指出,梁繼平係《香港民族論》嘅作者之一,《學苑》前總編輯,對香港社會一直都好關心,難怪網民激讚,仲話:「佢正正係清晰咁將理論同現實結合,去實踐佢既政治理想,所以佢先會除口罩走入立法會,希望大家知道抗爭者既心係幾咁堅定。」隨時被人拉都咁勇敢,真係無畏無懼!


延伸閱讀►


片/反送中嘅網路影響:Telegram喺香港到底仲安唔安全?

片/灣仔阿叔串爆警察?霸氣哥再現「反送中」示威!

片/生子當如馬車?何君堯同劉馬車fd過夾band?



本則時事分析,你覺得?