2019
07
03
1369

片/衝擊立法會啱定錯?背後嘅原因你又聽過未聽過?

7月1號遊行期間,有部份示威者衝擊立法會嘅行為備受關注,社會上有唔少批評佢哋嘅聲音,亦都有對佢哋行為抱有反對但理解嘅人。暴力、破壞係唔啱,但依D行為既背後其實係D咩呢?商業電台《雷霆881在晴朗的一天出發》嘅Facebook page,upload咗一段仔節目嘅聲音,內容有提及到衝擊立法會嘅示威者到底諗D咩。
   

Image source:Facebook:Stand News 立場新聞影片截圖

文/偉文

《雷霆881在晴朗的一天出發》嘅Facebook page,最近嘅post到有一句:「可能你唔理解佢哋,可能你唔認同佢哋,但係喺反對佢哋之前,先聽聽佢哋行動背後嘅心聲。」講緊嘅「佢哋」,就係7月1號衝擊立法會嘅示威者。


Image source:Stand News 立場新聞影片截圖


有人話,用武力、破壞嚟到抗議係唔啱嘅,唔理佢哋係咪有理由,唔理佢哋係咪有秩序,總之破壞就係錯!的確,以暴力、破壞作為抗議手法係唔值得提倡同鼓勵嘅,依個係一個好簡單嘅對錯問題,係大家由細到大都會知道嘅道理。一個咁簡單嘅道理,衝擊、進入立法會嘅示威者應該係知㗎,但咁點解佢哋要做D擺明唔啱嘅嘢呢?點解佢哋明知會俾人拉都要咁做呢?喺《雷霆881在晴朗的一天出發》就可以聽到原因。

除咗節目主持人之外,段片入到有四把聲音,分別係林先生、黃女士、一個抗爭參與者同埋李生,佢哋歲數唔同,身份唔同,喺香港「反送中」嘅社會活動上嘅位置都唔同。佢哋各自表述自己,亦都聆聽對方,佢哋講嘅嘢,有D正係解答咗好多市民對於衝擊、進入立法會依個行為嘅疑惑。


社會上好多人對於衝擊、進入立法會依個行為係感到不解,覺得冇用嘅,唔明白點解唔用「和平理智非暴力」嘅方法去提出訴求,而要用D會破壞社會秩序、影響自己前程嘅方法去表達意見。暴力同破壞係錯嘅,並唔係一個好嘅方法,正如主持人所講:「社會上梗會都有一班聲音話俾你聽,佢哋係搵唔到出路,但係依條唔代表可以爭取到嘅方法喎,咁點算呢?」而第一把聲音林先生,就正正講出點解班年輕人要咁做,係因為「冇辦法」喇,佢話:「我哋接近冇辦法可以做到嘅嘢,差唔多做晒㗎喇。」


而第二把聲音黃女士,以一個母親嘅角色,講佢喺遊行期間見到年輕嘅示威者嘅行為,所做嘅嘢都係「愛香港」㗎。又以母親嘅角色去思考,質疑特首並冇交待嗰三個為「反送中」而失去嘅生命,就好似主持人所講:「尋晚有記者問到啊特首,三個年青人因為依件事輕生,有咩回應,佢係冇答嘅。」


而第三把聲音就係一個有關於衝擊立法會嘅抗爭參與者,佢講解釋咗係佢哋嘅立場,仲宣讀咗一篇畀特首嘅回應。




而第四把聲音係屬於一個叫做李生嘅70後,佢話佢一開始唔理解,但當佢聽完第三把聲音嘅心聲之後,佢第一次了解到依班衝擊立法會嘅年輕人係諗緊D咩,而且認為主張「和平理志非暴力」嘅示威人士,應該要理解同包容佢哋。其實,學主持人講嘅咁:「畫面淨係見到問題,聽唔到心聲。」畫面中見到年輕人衝擊同破壞,但有幾多人知道點解佢哋要咁做呢?指責好容易,可以咩都唔理就靠感覺鬧出嚟,但反對佢哋之前,可唔可以聽吓佢哋嘅理由呢?



延伸閱讀►


片/依從指引使用武力?國際特赦組織:香港警察違反國際人權法!

示威者怕「被消失」 反送中抗議祭6招自保

「反送中」港人墜樓亡...現場民眾默哀 白花、白絲帶悼念烈士



本則時事分析,你覺得?