2019
06
20
1371

片/「$3撐蘋果」無負皮!咁點解當年Bomba收8蚊俾人話?

6月17號,蘋果日報開始正式收費,現階段係收3蚊「訂閱費」,就可以由即日到9月1號,睇盡《蘋果動新聞》全部新聞。香港大眾今次出奇地冇炸型,仲喺蘋果日報嘅Facebook page嗌支持,可以見到,由電腦同手提電話普及至今,香港人終於習慣、普遍接受畀錢買虛擬商品、訊息喇!
   

image source:蘋果日報影片截圖

文/偉文
香港人好習慣用免費嘢,幾千蚊一部電腦,都夠膽裝個翻版windows,又會搵埋D破解嘅software、防毒嚟用,最後搞到電腦中晒毒咁。喂!講真啦!邊有咁大隻蛤乸隨街跳㗎!幾舊水嘅嘢冇啦啦唔洗錢喎,真係唔覺有古怪嘅咩?其實免費嘅嘢最貴啊!人哋都要食飯㗎嘛,整D免費嘢畀俾你用,生活、時間成本點計?所以話,依家手提電話嘅App又係,成日要人免費,又要要求人哋唔好有廣告,最好就功能仲要多,傻咗咩?真係搞手想打個和咩?


image source:Unsplash:Stephen Frank

香港之前都發生咗兩單關於「免費」同「畀錢」嘅事㗎喇,用開免費嘢嘅人一聽到話要畀錢,就即時爆發,引起城中熱話,最後收錢收唔成,仲搞到一身蟻。兩單嘢嘅主角咪分別係社交App「whatsapp」同Youtuber「Bomba」囉!「Whatsapp」嘅收費事件發生喺2013年,價值$8港幣;「Bomba」嘅收費計劃就發生喺2017年,又係價值$8港幣。WhatsApp喺2013年話要收取8蚊年費,港人炸晒型,去到2014年WhatsApp俾Facebook收購,近年又傳出2020年WhatsApp開始會有廣告,先有聲音話畀8蚊唔要廣告好過。2017年,Bomba《星戀空》嘅微電影要收8蚊睇,好多人又笑又鬧,Bomba仲沉到依家,又同時話香港冇晒優質Youtuber。





其實,8蚊唔係貴,覺得唔值得、唔想畀係一回事,最多咪唔用WhatsApp,唔睇Bomba。但點解佢哋會引起熱烈討論,招嚟多方批評?係咪因為佢哋免費過?定係香港人接受唔到網路上嘅嘢係要收錢?有人就話係網路上免費嘅娛樂、App太多,縱壞晒使用者。其實,真係要諗諗一個問題,點解會有人整D免費嘢畀我哋,我哋為免費嘅嘢又付出咗D咩?個人資料?接收到錯誤資訊?被洗腦?


不過,喺6月17號,蘋果日報開始正式收費,香港大眾竟然冇炸型,反而好多留言都係支持。最多人畀意見嘅,係關於蘋果目前只係接受VISA同Mastercard畀錢,話應該要增加多D方法,俾小朋友同老人家都可以簡單買到。喂!唔通香港大眾自6月9號開始醒覺,認識到資訊有價?




延伸閱讀

6.16反送中大遊行!直播懶人包喺晒到!

「逃犯條例」大數據!社群最具影響力嘅KOL領袖竟然係佢?

法國記者捍衛香港:HONG KONG NOT CHINA!



本則時事分析,你覺得?