2019
06
14
1399

片/中央從未指示修例!香港人星期日齊上街!

自6月9日103萬人上街,6月12日金鐘一帶警民衝突,「反送中」事件愈演愈烈,高官各有回應事件,民陣亦都宣布6月16號星期日,再次遊行示威。
   

image source:民間人權陣線FB

文/積遜猿

6月12日,中國駐英國大使劉曉明接受英國廣播公司(BBC)《新聞之夜》直播專訪,佢就話:「包括BBC在內嘅某啲媒體曲解事實同誇大數據,中央從未指示香港修例。」訪問一出,即時俾大家瘋狂轉載,網民都講即係連中國高層都同林鄭月娥「割蓆」!


另一邊廂,政務司司長張建宗喺6月13日接受《Now新聞台》專訪,強調話港府高層冇參與將金鐘衝突定性為暴動,同開槍發射橡膠子彈嘅決定,指係警方按現場情況決定。網民見到又講,哇,咪即係射個波比警方?


見到咁嘅情況,唔少網民都覺得怪怪地,點解好似無人要負責任嘅?個個都推卸責任,咁即係點呢?以下呢首二次創作嘅歌曲,好代表到各位網民嘅感受:




同一時間6月13日,泛民議員、民間人權陣線去禮賓府搵香港特首林鄭月娥傾傾,點知佢哋俾警察擋住,唔俾佢哋繼續進入禮賓府,自然就見唔到林鄭喇。




既然係咁,民間人權陣線即時喺禮賓府外面,同各位記者朋友宣布,同緊警方申請星期日(16日)遊行、星期一(17日)集會,呼籲市民參加。無人負責,無人面對一百零三萬人嘅民意,香港市民唯有再次出嚟,向「逃犯條例」說不!


延伸閱讀

片/前罪犯同香港警察合作?劉馬車出席警察同盟會!

法國記者捍衛香港:HONG KONG NOT CHINA!

警方使用武力嘅指引無公開,警員權力難監察



本則時事分析,你覺得?