2019
06
13
1123

警方使用武力嘅指引無公開,警員權力難監察。

「逃犯條例修訂草案」嘅討論喺香港持續發酵,自6月9日百萬人上街遊行之後,6月12日市民又再度喺金鐘政府總部附近組織抗議活動,並爆發警民衝突。有見及警員連日嚟喺示威、抗議現場,對包括記者在內嘅現場人士施以武力,社會各界及市民對於警員行使武力嘅權力、方式同準則,具有廣泛嘅討論。
   

image source:Facebook:立場新聞影片截圖

文/偉文

今日(6月13號)稍早,香港大律師公會對發布咗有關香港警方喺6月12號對示威人士使用武力嘅新聞,新聞內文點出警方行使武力嘅情況係超出佢嘅合法權力。咁究竟警員面對示威者係有D咩合法嘅權力呢?社會、市民又可以點樣得知相關資訊呢?

image source:網路流傳用圖

香港大律師公會今日發布嘅〈香港大律師公會就香港警方於2019年6月12日對示威人士使用武力之新聞發布〉中文中,就咁話:「公會嚴重關注有影片顯示警方向示威人士及前線記者作出罔顧他們安全的行為,包括在示威人士似乎沒有對警方或公眾造成威脅下向一些手無寸鐵的示威人士甚至一些顯然是記者的在場人士使用非必要的武力,顯示警方似乎已遠超其行使維持公共秩序的合法權力。」並促請香港政府重新反思,逃犯條例修訂引起咁大嘅社會動盪,係仲要咁堅持。

 

 

image source:網民「太早洩」圖片

咁香港警察行使武力嘅權力同準則到底係點呢?其實就係列喺《警察通例》第29章,即係「武力與槍械的使用」一章入面。但係依個章節就包括喺公開俾大眾查閱嘅資料入面,即係香港市民係無辦法喺警隊網頁到搵到相關資訊,公眾係無辦法監察警員嘅使用武力嘅情況。


image source:網路流傳用圖

警察執勤嘅時候,擁有使用武力嘅權力,但因為警方並無公布依個權力嘅準則同詳情,以致警務人員「係唔係合法使用武力」、「有冇使用過量武力」嘅爭議不斷,公眾無辦法監督警員實際嘅武力使用情況。市民喺依種情況下,係唔係可以維護、保障到佢哋嘅人權,係明顯存有疑慮,亦係香港民權、人權組織持續關注嘅問題。


延伸閱讀

唔勇武嘅鄺俊宇點樣成為連登仔口中嘅「英雄」?

法國記者捍衛香港:HONG KONG NOT CHINA!

《反送中》抗議再延燒!香港逾百家企業發起罷工罷課罷市活動



本則時事分析,你覺得?