2019
06
13
1321

法國記者捍衛香港:HONG KONG NOT CHINA!

網路流傳6月12日法國記者阻止香港警察射擊記者嘅片段,呢位記者霸氣十足,仲要金句狂出,捍衛咗近排備受香港市民關注嘅記者採訪權,成為咗網路上爆紅嘅熱門話題!
   

image source:翻攝自YouTube

文/積遜猿

香港自6月9日103萬人和平遊行,表達撤回《逃犯條例》不果。港人誓不罷休,喺6月12日發起「612罷市、罷課、罷工」,反對《逃犯條例》二讀,好多市民都自發咁去金鐘站,去立法會附近聚集,希望可以令政府撤回條例。示威期間,警民發生多番衝突,警方開始使用具殺傷力、致命嘅武器對付市民,仲定性今次示威為暴動。你又知唔知,因為警方武力受傷嘅唔止市民,其實仲包括埋記者。



其實喺6月12日晚上,CNN已經有傳香港警方將目標鎖定為各國記者。咁事實上,記協至今表明接受咗多單具名投訴,所有投訴人事發時都有喺當眼位置向警員展示有效證件,並表明身份,但都無人當係一回事。其中,澳門記者陳嘉俊就喺FB公開受香港警方暴力對待嘅事件,佢喺金鐘受訪期間,毫無防備之下遭警方對往佢塊臉噴射胡椒噴霧,要現場市民幫手先離開到。唔怪得記協喺6月12日向香港特首林鄭月娥發公開信,叫佢要保障基本法第廿七條承諾之新聞自由,唔可以俾執法人員對付記者。


香港網民緊係好關注呢件事喇,話哂記者係監督公權力嘅第四權。最近網上就流傳一段命為「French Journalist Challenges Brutal Hong Kong Police "STOP SHOOTING JOURNALISTS!"」(法國記者挑戰野蠻嘅香港警察:「唔好射擊記者!」)嘅影片,網民力讚呢位法國記者嘅英勇行為,捍衛咗香港嘅記者權利。



根據影片可見,香港警察向遠處有救護車嘅方向開咗一槍,該名法國記者站喺警察左上方見到件事,即時喝止香港警察:「你開槍射記者!你開槍射記者!你開槍射記者!」但係警察聽到之後咩反應都無,又開多一槍。直到法國記者嬲到講粗口,佢哋先停手望向佢呢邊,仲走埋嚟揮手叫記者Get out。當法國記者係咁講No,警察竟然作勢向攻擊記者,點知佢依然無懼:「Do it!Do it!」連警察都被佢霸氣震攝,退開幾步。


法國記者仲係嬲到停唔到,講咗香港網民激讚嘅一句話:「IT'S STILL HONG KONG,NOT CHINA,NOT YET!」(呢到仲係香港,仲未係中國嚟!)香港警察諗咗幾秒終於講到幾句英文,係咁話OK,話記者需要離開喎。咁記者緊係繼續攞住鏡頭無走喇,法國記者仲罵警察:「你哋好醒、好威,Chinese man,Xi jinping will love you!」


延伸閱讀

唔勇武嘅鄺俊宇點樣成為連登仔口中嘅「英雄」?

影/為什麼要打小孩!香港媽媽對警哭喊:夠了...痛心片網瘋傳

《反送中》抗議再延燒!香港逾百家企業發起罷工罷課罷市活動



本則時事分析,你覺得?