2019
06
12
2383

片/唔使你留言都話你知 2019續領BNO必備資訊!

近排大家最關注嘅除咗引渡條例之外,就莫過於係移民同埋嗰本BNO喇!成日都想續期但都得嗰拖字?依家小編直接幫你整理埋喇~
   

image source:YouTube/Apollo Channel

文/樂比

最近因為「引渡條例」,BNO又再次受到關注,唔單止成為GoogleTrend嘅熱門,仲喺網路上成為熱門話題,喺呢半年期間可以見到市民對於BNO嘅討論有兩個最高峰嘅時間點。喺3月初正係保安局就草案展開為期公眾諮詢嘅時期,大家開始對於BNO點樣續期有第一波嘅關注。而第二波高峰就落喺5月尾民陣宣布再次舉辦「反送中大遊行」嘅時候。

image source:《KEYPO大數據引擎》


想知現時喺網上系統申請、或者續領BNO嘅程序或者有咩要注意,可以留意返以下教學,然後再上gov.uk申請!



只要你係喺 1997 年 7 月 1 日前成功申請 BNO 嘅人士,就算舊 BNO 已經過咗期,都可以申請續領 BNO。不過,由於 BNO 唔接受新申請,所以從未持有過 BNO 嘅人士,同埋在 1997 年 7 月 1 日或以後出世嘅香港人,均不能申請 BNO。但擁有BNO嘅家長如果曾經喺護照入面「included child」一欄填寫過當時未滿16歲子女嘅姓名,就算子女從未申請亦可以擁有申請BNO嘅資格。


申請記得要準備以下文件:

  1. 一本未剪角嘅舊BNO護照

  2. 證件相(可自拍):

    i. 大小:45mm x 35mm闊 ii.背景顏色:灰色或白色

  3. 現時護照嘅彩色影印本,由第一頁印到最後一頁,包括封面封底。另外,亦都可以直接將護照正本寄去申請。

  4. 一年內嘅住址證明。例如:銀行月結單、學校報告、就業記錄、稅務紀錄等等。

  5. 自己或父母(如有)嘅出世紙雙面彩色影印本。

  6. 結婚証書:申請人需提供個人、父母嘅結婚証書。

  7. 本人身分證正反面彩色影印本。

  8. 副署注意事項:

    其實唔係所有申請都需要副署嘅,但如果之前嘅BNO曾經遺失或損壞;或者申請人嘅面容同原本護照相片出現好大變化;或者個人資料有重大改變;或被歸納為“First Adult Passport”、“First Child Passport”等都都需要提供副署。

    而申請人同副署人需要認識兩年或以上,持有歐盟或者英國護照(BNO都得),但係不包括申請人嘅家庭成員。副署人需要喺申請人嘅表格上填寫個人證件Number、工作資料,同埋附上個人護照資料頁嘅彩色影印本成Set一齊寄去英國就OK㗎喇!


成人護照費用資訊(可用Visa、Master信用卡網上支付):

10年期 34頁 連郵費105.86英鎊(約HK$1056)

10年期 50頁 連郵費 115.86英鎊  (約HK$1155)

成功俾錢之後後,會收到email同埋SMS,裡面附有登入系統嘅網址、申請編號同埋郵寄地址,準備好所有文件之後就可以用速遞或者空郵掛號寄去英國。申請狀態可以隨時登入系統Check住進度,最快10日左右就可以速遞SMS預約取件,而新嘅BNO會同之前寄去英國嘅申請文件分開兩份寄返返嚟。


延伸閱讀:

唔勇武嘅鄺俊宇點樣成為連登仔口中嘅「英雄」?

不滿「送中案」強推二讀!香港網友發起「拋售港幣」運動

《反送中》抗議再延燒!香港逾百家企業發起罷工罷課罷市活動



本則時事分析,你覺得?